sep 21
呵呵呵! 之前買落未有貨既staub 23cm oval serving dish終於有貨啦!
普通一個焗盤都要七八百幾蚊, 依家呢個$999有埋蓋可以蒸煮煎焗都得, 仲可以做pepper lunch! 暫時用過佢黎蒸肉排, 蒸鯇魚, 金菇牛肉煲同當焗盤放三文魚或者雞翼入焗爐, 好方便好好用~
最開心, 就係收到牛姨送既入伙禮物!
sogo是日優惠有新出既24cm雙耳鍋, 其實用法同le creuset既buffet, 不過lc比staub貴得多, 而staub對應lc buffet的是蜂巢鍋, 內裡凹凹凸凸我又不喜歡, 現在出新鍋, 緊係好想要! 牛姨好好, 一早去sogo幫我買, 雖然size 24cm未係最心水既size(本身target 26 or 30cm好像較適合四人家庭使用), 不過將條魚尾剪少少就放得落, 鍋子細細地放上檯唔會太難夾餸
sogo有好多色可以揀, 但我只鐘情黑同灰, 23cm oval dish已經選了灰色了, 牛姨就覺得我可以選寶藍色或者黑色紅色, 不過灰色對我來說太有吸引力, 同我既黑白灰廚房都好夾, 所以又買了灰色~
staub 24cm既雙耳鍋使用率極高, 幾乎每次開餐都會用: 蒸魚, 蒸肉排, 一般小爆炒, 煎牛仔骨, 炒意粉, 基本上就是什麼菜式也可以用, 好開心牛姨送我這麼好用又漂亮的鍋子, 難怪這麼多人喜歡用鑄鐵鍋了. 牛姨送的那天也沒養鍋, 普通洗乾淨就即用了
現在新廚房乾淨企理, 加埋這些好幫手, 每日煮飯都成了快樂事~
沒有留言:
張貼留言