上年和朋友仔參加了大埔veg garden的聖誕燒雞party, 念念不忘皮脆肉嫩香噴噴的燒雞, 這年和朋友仔再次參加, 在田園裡過聖誕, 吃自己醃的燒雞, 快樂又好吃!
veg garden的期很難約, 預早幾個月前才約到boxing day那天, 這天向哲哲說和朋友仔去sandy姨姨的莊園度整燒雞, 哲哲非常興奮, 他還記得那次自己一手一腳製的燒雞特別好味呢~
人齊就開始喇~
sandy姨姨正在介紹點樣整燒雞才會好味, 小朋友都好留心聽, 因為唔留心既話, 隻雞燒唔熟就無得食囉~~
講解完畢, 每位小朋友都有一隻光脫脫的雞. 兩兄弟第一次要落手處理隻雞, 拔走個雞心同幫隻雞按摩, 面有難色, 不停話好嘔心...XDDD
洗唔洗彈到咁遠丫?! 嘩卡卡卡
上年sandy姨姨要小朋友親自調教香草, 這年改為每人派一份, 教我們把雞的內部塗得滿滿, 最後再將香料搽在雞的表面. 兩兄弟由一開始有點嫌惡, 到後來慢慢的做, 整隻雞搽得很均衡, 做得很好丫
將香茅塞入雞腔, 因為香茅有利齒, 所以要由爸爸媽媽代勞
睇下佢兩個幾滿足, 哲哲猛話好想快d食隻雞~~~
最後一個步驟好重要, 將燒烤叉插進雞腔, 如果插錯位, 燒好抽出來的時候就會整隻雞腿甩掉而跌落地, 到時燒雞就會變左做丐衣雞喇...
把自己隻雞用鍚紙做好記認, 就可以放入個柴火爐入面燒喇~
襯隻雞燒緊同時, 小朋友坐定定聽sandy姨姨講繪本, 大家都好專心聽啊
就地取材, sandy姨姨請小朋友在莊園拾樹枝做聖誕吊飾, 好靚丫
燒好喇, 見唔見到我地隻雞? 吊環用鍚紙包住係細佬既, 哲果隻雞係戴左口罩XDDD
認返自己隻雞, 正呀, 真係超好味, 原先仲諗住現場食一隻, 另一隻打包返屋企夜晚再食, 點知太好味, 即場幹掉兩隻!
除左主菜有燒雞食, sandy仲準備左自家製既香蕉蛋糕, 曲奇, 蜜糖茶同豆腐花, 全部都係心機之作, 好好食
吃過燒雞後, 來一個大合照:)
聖誕吊飾掛在兩兄弟的房門欣賞, 好有氣氛呢~
沒有留言:
張貼留言