細佬第一次影證件相~

jul 16

當計畫八月會去旅行的時候, 我們第一時間為細佬拍證件相辦護照

自己在家影怕規格不合資格彈回頭, 所以還是到就近的影相鋪影. 方便起見, 這次連同回鄉證的相也一起做

去到影相鋪, 我先坐下讓師傅幫我影幾張, 給細佬看看我們在做什麼, 稍後到細佬坐定定的時候果然很乖很合作, 只是表情有點不知所措, 又擺出那副「天然呆」的o嘴樣XDDD 

挑了幾張, 來來去去都是這個「大口青」的模樣, 笑一下咁難咩...

哲二十個月 vs 竣十六個月

這樣看更加確實兩兄弟真係唔係幾似樣: 眉型哲哲有英氣d, 鼻子高挺d靚d, 眼仔雖然兩個都係細, 但哲哲帶點鳳眼, 細佬細d再魚蛋眼d, 嘴仔最大分別, 哲哲係小嘴薄唇, 細佬係大嘴厚唇, 面型哲哲下巴略尖, 細佬就圓碌碌~

再睇返當年哲哲同哲爸既對照相...

查實兩個仔同哲爸細時又真係幾似樣bor! 但哲婆婆又話我小細時同細佬個樣好似, 一樣黑炆炆(無圖無真相呀婆婆:P), 咁究竟細佬係似我定似哲爸多d呢?!?!