aug 27
終於到左出發既日子啦, 相隔兩年再搭飛機, 莫講哲哲, 我自己都好興奮! 準時九點到達機場, 先找jetstar的counter check-in先!
大家有無發覺張相出什麼問題嗎?
不就是airasia而不是jetstar囉
話說奶奶太心急又記錯了, 一個馬步跑了去airasia排隊, 我們也太興奮的四周拍照, 一點都沒為意去錯counter, 直到寄存行李時職員說我們搞錯了, 那一刻真的覺得糢爆了!
今次終於排岩了~
寄好行李, 施施然去吃個早餐, 大清早就趕出門, 胃口實在很一般, 所以只吃了幾口包就準備上機了
指定動作!
聽了很多朋友的意見, 這次旅程也帶了這架「弱不襟風」的bb車, 也帶了hipseat去備用, 朋友說某些景點不方便用bb車, 不過有bb車的時候細佬就可以隨處舒適地訓. 思前想後, 這架bb戰績累累, 曾試過有兩次「甩轆」既情況, 實在很擔心旅途中有什麼事故, 幸好六天都平平安安, 細佬才可以坐得舒舒服服啊~
因為閘口在偏遠的跑道, 所以要乘接駁巴士前去, 哲哲就一臉興奮, 細佬就如常的憨居居, 對一切都感到新奇
「媽咪, 係咪呢架呀? 定係果架先係呀?」
最近熱播的「衝上雲霄」看得多, 真的飛機沒看過, 本想叫細佬看一下, 回頭一看卻又斷片了...哎呀...
只能說jetstar在最最最最遠最開的跑道, 巴士兜了很多個圈才到達, 和cx 或港龍比, jetstar架機真的好小好小, 看上去很削的樣子
落巴士後就這樣直勾勾的上機去~
機艙內的位子比較窄, 我們身型嬌小還好, 哲爸腳長長就坐到頂膝頭轉身也不行, 幸好只有四小時的飛航時間, 起飛後可以走動下舒展筋骨, 問題不大. 始終和cx的價錢差太遠, 這個價錢有這個質素已經合格有餘
第一次坐飛機既細佬, 表現很乖乖, 哲哲也沒有很嘈吵要走來走去, 要讚一下喔~ 細佬睡了一半時間才醒來, 應該不知道自己已經在半空中了
一個醒就到另一個訓, 左右開弓真係好唔得閒XDDD
呢條巾, 曾經陪我出生入死過無數次, 可以唔記得帶銀包電話, 可以唔記得帶水帶尿片, 但就絕對唔會唔記得帶呢條巾出門.
放低了大半年, 因著呢個trip, 重披戰衣, 心情依舊振奮, 對細佬黎講, 快將遺忘既信物, 見到仲唔第一時間飛禽大咬咩~
哲哲一睡就睡到差不多落機, 趕緊吃哲哲最期待既飛機餐! 這天的餐是燒汁雞肉, 哲哲頻說好好吃, 結果來回兩程都吃清光, 果然很棒場!
兩隻寶貝訓夠食飽, 開始搞搞震了, 細佬成日爬上黎想睇窗, 偏偏哲哲霸住窗邊不肯讓步, 呢兩兄弟真係麻鬼煩, 咩都要爭一餐!
氣氛緊張中...
不能靠近看, 唯有遠距離的望啦, 細佬就是不停的「嘩。嘩。嘩」很驚奇的模樣, 現在應該知道了和平時搭的車是不一樣的吧
眨下眼四小時已過, 平平穩穩無delay既情況下, 準時三點鐘到達新加坡了
小貼士:
- 如果用信用卡網上付款, 記得帶埋當日碌果張卡同print定一份e-ticket去check-in, 以防航空公司沒有紀錄作核
- 網上劃位可以留意出餐位及機翼的位置, 出餐位雖然較繁忙, 但可以快d有得食唔洗等咁耐(特別長途機的時候)~ 另外想睇窗外的景色, 千萬不要坐在機翼附近, 因為機翼及引擎會阻擋窗外視線, 完全看不到漂亮的雲層呢~
- jetstar有自選飛航配搭, 短程的話, 可以食飽才上機, 那就不用加錢購飛機餐, 因為一行五人, 一加就要全部都加$180/位.
我們本來是不打算購的, 可是打電話問customer service又說不加錢的話, 就連機位也會被亂編, 不確保五個人都可以坐在一起. 基於哲哲和細佬還小, 所以還是乖乖的加錢, 網上自行劃位一起坐. 奇怪的是, 在機上看到有乘客自攜食物上機之餘, 而且來回兩程都坐在一起, 於是就想, 其實是不是不用加錢都可以坐在一起呢? 有誰知道嗎?
沒有留言:
張貼留言