【奶媽日記】倦...

sep 6, 2012

自從有了細佬之後, 成家人既關係變得很緊張. 細佬經常喊, 扭埋身啜啜, 我又因為倦, 無時間理會哲哲心理同生理需要, 功課亦跟唔好, 倦到陪唔到哲哲玩, 令哲哲既行為有問題. 以前訓前做人肉奶嘴細佬都可以訓到一兩個鐘, 最近細佬要邊啜邊訓, 奶嘴, 牙膠細佬都不要, 成晚宵夜自助餐, 只要一離口就即喊

試著日間塞安撫奶嘴, 可是啜兩下就bu出來不要了...

呢晚反反覆覆的啜到清晨五點仍未熟睡, 很倦, 哲爸亦很埋怨我, 餵人奶加上細佬訓覺的壞習慣令我承受很大的壓力, 但我可以點呢?

sep 8, 2012

親餵就快半歲了, 近日感覺奶量不足, 以往不敢平訓, 就係怕半夜脹奶心口痛, 可是最近打側訓, 甚至扒低訓都轉身自如, 難道細佬晚晚扭計就係吃不飽的緣故?

體重方面雖然不理想, 但其餘發展則很正常, 細佬的眼界甚好, 眼明手快, 手仔抓東西快狠準, 唔洗扶住可以自己坐, 鐘意同人玩, 鐘意笑鐘意回應人傾計, 扭抱成功之後會奸笑啊! 叫抱抱會識打開手配合, 鐘意聽歌, 鐘意人摸同鍚鍚, 亦喜歡人拍拍背或者唱歌哄訓覺, 沖涼用花灑照頭淋都無驚, 睇黎呢兩兄弟真係好唔同啊!

enjoy沖涼的細佬~

sep 9, 2012

出名唔洗訓既bb, 今日破天荒竟然出出下街在bb車上訓了! 之後幾日見佢腳仔撐撐扭眼訓, 搖兩下車又睡著了, 轉性嗎?

唔訓覺, 其實就鐘意啜腳指打發時間, yummy!

sep 13, 2012

今日上youtube upload video時, 無意中看到黃維德做周瑜的「三國」短片, 突然回想起坐月的時候, 這套「三國」陪了我很多個晚上餵夜奶的日子. 每晚餵夜奶又倦又悶, 一餵就半小時有多, 幸好當時邊睇邊餵, 打發了不少時間呢~

sep 15, 2012

呢隻臭豬係麻煩友黎! 唔訓覺都算啦, 就連訓著行過, 聞到人既氣味就即醒爆喊! 細佬呀, 你真係好難服侍耶!

日間唔想訓, 放在bumbo chair都可以睇上一陣書

相比起來, 哲哲訓覺真係唔話得, 半夜餵奶的時候, 看到哲哲訓到床尾踢開晒被, 過一陣再看哲哲的時候, 就會自動訓返床頭仲自己蓋返被, 叻仔!

sep 19, 2012

變態d都要講句: 其實埋身餵奶果陣, 比細佬啜啜真係好舒服, 加上隻臭豬又鐘意用隻手四圍摸咪咪, 準備餵奶果陣又會張大個口慢慢爬上身, 餵緊果陣仲可以玩野, 塞手指入我口, 起飛腳黎玩玩下, 呢d moment真係好sweet好sweet...

sep 25, 2012

題外話, 最近哲哲傷風又有咳, 勁痾勁嘔, 燒一輪之後就自動痊癒, 哲哲你真係好神奇好粗養, 連睇醫生既錢都慳返, 相比你細佬就...洗錢既麻煩友!

oct 4, 2012

開始了米糊都有一段時間, 之前唔識張開口唔識吞, 今日終於識張口吞啦! 不過有時都仲會唔正經咁bu返出黎玩, 又鐘意用雙手打自己個肚, 最近仲鐘意打側訓覺, 手腳短短的打側訓, 樣子可愛極了

oct 8, 2012

最近不約而同有朋友說細佬白淨了, 飽滿了, 比以前順眼很多, 一直都唔覺得細佬白淨, 不過睇返d相, 又好似真係一天一天的白淨了, 想起八月的時候白雪也說過細佬很白似女仔, 神奇變白?!

又好似真係肥左又靚左wor~

oct 13, 2012

這天逛街去kingkow睇下有無新白豆取替家中的舊白豆, 愛白豆原來不止哲哲, 日見夜見之下, 細佬看到陳列架上的白豆公仔也認得, 指住驚奇的叫呢~

oct 31, 2012

今日去了見營養師. 營養師說細佬不太吃粥, 叫我試著用肉汁魚湯做粥底, 咩都要佢試, 再唔食粥, 難不成要跳step食飯? 用筷子夾杰粥食就無問題, 用匙餵就bu, 人人都說要我再花多點心思, 其實我已經很努力, 每天都用不同的粥底, 煮不同的稀杰度, 希望找到一個細佬會吃的粥

哲哲細時簡單一碗肉碎粥都吃得又快又多, 依家每日都要諗唔同粥底, 之後仲煮四款餸, 細佬你認真巴閉! 

做媽媽的當然想子女身體健康, 肥肥白白, 但要是細佬不吃, 我又可以點呢? 迫都唔會食架啦...