夏遊馬鞍山公園

sep 7

天氣太熱了, 夏天最好的節目是游水游水再游水, 去公園玩真的會令人吃不消, 呢一日無街去又唔算太熱, 一於去公園邊玩邊影返輯相先~

數數手指, 原來已經有半年沒有再到馬鞍山公園玩了, 這天哲哲踩著他的戰車, 遠遠的拋離我們. 每一次走這段路我都會拍一張哲哲的背影, 每拍一張, 哲哲又長高了一點點...

眼前這個小子大得太快了, 幸好樣子還是babyface, 一定要多為哲哲拍照留倩影才行 (可是這小子從小就不喜歡拍照, 而且表情不甚自然, 每次想起哲哲照片不多就有點內疚...)

哲哲和細佬比起半年前成熟了, 現在可以玩的玩意多的是, 細佬已經可以邊行邊踢波啦~

很喜歡的一張照片, 玩咩都好, 細佬最開心係玩拋飛機, 睇下細佬笑得幾開心! 

今日玩玩新意思, 帶來了twister, 不過兩個人不夠好玩, 期待細佬快點長大可以一齊玩喇

最近哲哲學人玩飛碟, 一有機會就扭計要落公園玩, 今日人少少, 可以盡情咁飛餐飽了~

有時都好奇怪, 點解哲哲既運動細胞咁弱呢? 佢阿爸阿媽(即係我地)唔係運動白痴架bor, 哲哲玩任何的運動球類都是笨手笨腳, 手腳不協調, 也不能掌握每樣運動的要點, 玩了好幾次飛碟依然掌握不了

反而第一次玩既細佬, 竟然有一次半次丟得唔錯bor

當然也有些搞笑「食碟」既時候XDDDD

細佬親親大自然, 馬鞍山有好多漂亮既花兒, 鮮艷既大紅花, 還有小小的紫白花

仲有如薯片般脆脆的枯葉....細佬, 唔食得架!

馬鞍山公園實在太靚啦, 對我地黎講有好多回憶, 秋天再來一轉, 有另一番景色, 到時哲哲同細佬大一點, 又是一個美好的回憶了