「Canon IXUS 咔嚓童盟」。剎科了

sep 29

不經不覺, 歷時一個月的「Canon IXUS 咔嚓童盟」拍攝終於完結, 曲終人散, 真係有點捨不得...

雖然大家只是相處了一個月的時間, 但小童盟一個個都很可愛又乖, 一星期拍一兩次, 每次見到他們玩得挺熟絡, 覺得有d似拍「愛回家」既感覺, 哈哈

說回最近三集的內容比較有趣, 八月中的時候我們到了brian的studio, 劇組人員神神秘秘的要分二人一組, 而且不準早到, 早到又不能在studio逗留, 究竟葫蘆裡賣什麼藥呢?

嘩! 成個studio都係氣球, 究竟係黎玩定影相呀? 原來劇組同brian構思了一個氣球樂園任務, 要小童盟二人一組, 即席利用場內既氣球擺設來影相, 場內所有氣球都可以依小童盟既意思自由擺位

哲哲和bila是第一組, 雖然知道哲哲想盡力做好d, 但明顯性格太貪玩, 拍攝過程只認真了好一陣就開始搞搞震, 要不是有成熟懂忍讓既bila照顧及配合, 肯定遲遲不能完成任務了

無計啦, 鬼叫哲哲太喜歡這些氣球, 好可愛呢~

呢集內容哲哲同jayson編為一組, 齊齊學腳架, 齊齊來自拍, 看著兩個小戰友邊笑邊玩, 效果好自然呢~

接下來的任務更好玩, 小童盟跳出錄影廠, 去到上環醫學博物館進行野外定向. 當我們知道這天的任務是, 暗叫一聲:「好」! 一來野外定向哲哲有過經驗又喜歡玩, 看地圖路線更是哲哲鐘情的事, 二來在戶外有得走動, 總好過在廠內屈住, 精力無從發洩, 拍攝會出大事...

果然一收到野外定向的地圖, 哲哲即時兩眼發光, 手執地圖不放, 自然的發起司令說「我地依家個位置係度, 要去呢度就要行果邊, 用最快既時間去晒咁多個checkpoint, gogogo!!!」

(真係拍咁多集最正常最合作的一次, 難得的好表現呢~)

攝影師哥哥叫小童盟擺不同pose, karoline個pose好得丫XDDDDD

呢頭比人影, 轉個頭就圍影細佬, 嘻嘻, 細佬是個稱職既麻豆, 企定定任影唔嬲~   

鬧市中齋影無幫襯, 會唔會比人話混吉呢? 嘻嘻

同場仲有蘋果日報的專訪及直擊報道,  講野上鏡呢回事都係交比哲爸啦, 報紙一出街個個都讚哲爸有星味, 嘩卡卡卡

今個暑假過得非常充滿難忘, 整個拍攝過程哲哲成長了不少, 雖然對鏡頭自然既表現, 說話表達能力同成熟度不能和其他小童盟相提並論, 但明顯見到哲哲一次比一次進步

現在出街的時候多了要求帶自己的相機四圍拍; 我們拍照的時候又會走來看看我們相機的setting說兩句, 最神奇就是哲哲學懂了用腳架, 那以後的自拍調教我們就交給哲哲負責了~

這個比賽, 這個節目, 我們除了獲得豐富既獎品之外...

亦很感謝各位小童盟, 台前幕後的工作人員, 特別是導演和heidi姐姐, 多謝你們喜歡哲哲另類的性格, 給予我們這次寶貴的經驗, 感激大家對哲哲的照顧同包容. 我們沒期望哲哲會有好多鏡頭, 哲哲能夠乖乖完成所有拍攝沒中途發脾氣走人已是我們最放下心頭的事了

很高興結識到大家, 有緣再會!

想看更多小童盟真人Show的有趣情節, 可留意9月27日起逢星期五9:30分於now TV102觀星台播出, 一連八集的《Canon IXUS咔嚓童盟》. 記得棒場丫~