這年中秋

sep 19 

這年中秋, 依然是病住的過, 上年中秋假才第一日哲哲就腸胃炎, 這年輪到細佬, 剛開始中秋假就發高燒, 幸好往後的節目都有哲爸帶住哲哲出去玩才沒有浪費假期 

中秋正日, 我們吃過晚飯, 約了同區之友到馬記公園賞月玩花燈, 前一天帶哲哲細佬挑燈籠, 細佬看到形形色色的燈籠還在檸頭呱呱叫不要, 這晚就算發著燒, 去到公園即時生猛晒, 拖住個燈籠四圍走

細佬丫, 呢條係魚黎, 唔該唔好好似放狗咁將條魚放落地拖行丫...XDDDD

馬記公園好熱鬧, 成個公園無論草地或是樓梯都坐滿人, 我們走到海豚公園那邊人較少, 氣氛雖然沒那麼好, 不過叫有個大地方比班小嘩鬼跑動

這晚思賢同穎烽都黎唔到, 得哲哲一個大男孩有點悶, 結果我陪哲哲玩捉迷藏, 又同哲哲踏陣單車, 哲哲才開懷一點. 不過哲哲呢晚表現好乖, 以往覺得悶就會發脾氣叫走, 依家開始學識自己找事做自娛, 又或者到處結識一些新朋友一齊玩

也許細佬發緊燒, 成晚無咩笑容, 但對所有東西都是好奇, 樣樣都想玩, 樣樣都想試

做咩影張相都咁苦口苦面架? 比d面啦...

話明賞月, 那就應節帶個小月餅, 邊看月亮邊食月餅, 這晚的月亮又圓又光, 連細佬都指著嘩嘩聲

看到依家小朋友玩既燈籠, 大部份都是膠的那種, 想當年我們玩的是紙燈籠, 點蠟燭的才好玩. 於是買了個紙燈籠, 比哲哲看一下我小時玩的燈籠是什麼樣子

「下, 紙黎既? 咁樣點蠟燭咪好易著火? 媽咪, 不如唔好點啦, 好危險, 會火燭架, 我好驚呀」

粗手粗腳既哲哲都知道自己輪盡, 細細支蠟燭點著火就咁放落紙燈籠度, 步步為營, 還來不及完全拿上手, 細佬閃過來一手拍跌左個燈籠落地, 爛左...

算吧啦, 都係留待下年再玩過

sep 20

一早訓醒又出動啦! 這天約了戰隊搭觀光巴士遊覽舊香港, 再到孫中山紀念公園放電. 因為細佬還是不明發燒, 為免長時間在外曬太陽, 所以沒有集隊

許久沒有搭觀光巴士, 見哲哲張張相都無咩望鏡頭, 就知道又幾咁專心咁去享受緊佢最鐘意既「巴士」

由手抱bb, 到識爬識走, 再到依家集隊踢波, 見到一個個既球場上既英姿, 我能說不感動嗎? 希望我們一直都這樣要好, 一直玩到大!