日與夜。兩個我: 【新加坡親子自由行】day 2: singapore zoo

aug 28

這天的行程到北區的singapore zoo, 因為地點鄰近我們的house, uncle john同auntie alice(奶奶的朋友)很客氣的車我們前往, 所以比較有充足既時間在樓下的餐廳吃早餐

在超市買飲品時, 看到「三色益力多」(SG7.5), 在當地才有的特別口味, 所以買了一排來試試

兩支原味, 另外三支不同色的, 估下係咩味?

「哲哲, 估下咩味?」「唔...提子味!」

「錯! 係竽頭味黎~」「下? 竽頭? 咁搞笑?」嘩卡卡卡, 傻豬哲比哲爸呃了XDDD

紫色的是提子味, 橙色的是橙味, 青綠色的是蘋果味, 鍚紙蓋上有寫喔~

比啖細佬飲, 唔知細佬覺得味道如何呢?

樣衰衰咁, 一睇就知你話美味想再飲啦XDDD

uncle john吃完早餐就來接我們去sinagapore zoo了. 門票前一天和travel delight交收了(大人SG22, 小童SG13, 已包tram的費用), 所以直接入場就可. 門前大合照由哲哲拍攝, 拎住部咁重既單反算影得唔錯啦~

場內好大呀, 好多地方好多animal show都好想睇, 今日真係要行快d先得, 希望睇得晒啦!

入動物園, 最興奮的是細佬, 哲哲對動物的興趣一般, 不過singapore zoo比我以往參觀的都要好看太多, 哲哲這次也難得看得投入. 至於細佬...一向喜歡動物, 就算出街, 睇電視睇雜誌睇書看到動物已經興奮到呱呱叫, 看到真實的動物活現眼前, 開心到震~~

本來以為坐在hipseat上, 坐高高會睇得清楚d開心d, 點知細佬鐘意落地四圍行, 每去一度都睇好耐又笑好耐, 真係好可愛架呢~

睇極都睇唔完! 以上只是節錄了一些比較喜歡的動物和大家分享, singapore zoo四周環境好乾淨, 無異味, 而且無圍欄欄住D動物, 都算係近距離可以認識到各種動物

要數最難忘的是有一種類似松鼠的鼠, 常常想爬到石的另一頭卻不夠高, 哲哲看了很久, 就算離開了都話要折返, 想睇下隻鼠最終可唔可以爬到石的另一邊;

蛇是哲哲最害怕的! 經我們解說蛇的顏色同毒液之後, 哲哲對蛇有了恐懼的心, 一提個蛇字已經走定先, 莫講話行近少少睇下條蛇既花紋有幾鮮艷...; 左上那個猩猩pat pat又大又脹又紅, 原來正值交配期, 所以如此吸引異性, 但我地卻笑說鄧猩猩pat pat痛;

還有的是我最想見到既蝙蝠! 哲哲睇完一百層樓的家, 就很渴望可以一睹真身, 見到真身之後, 真係好嘔心好醜樣, 那個菇菇咁養眼展露於人前, 想點呢...哈哈哈

對眼好忙, 隻手好忙, 把口都好忙, 每去一站細佬就嘩嘩叫了~

行到有d倦, 我們選擇上了觀光車tram, 經travel delight買是包括了當中的費用, 比singapore zoo買便宜. 坐這個tram可以一直的搭去其餘三個站, 一直不落車, 在車上快速遊覽挺涼快, 好寫意啊~ (最後奶奶走到腳倦, 決定不和我們行, 在車上四圍遊, 最後睡著了XDDD)