自己動手整芒果布甸

aug 4

由春天到夏天, 終於等到炎夏, 芒果最靚既季節出動啦!!!

今次哲哲化身小廚神, 全程自己動手做呢~

一早起床, 哲哲說好想食芒果布甸, 想起家裡還有一盒陳年啫喱粉, 為免浪費, 於是即刻跑落街買了幾隻芒果和花奶來, 做法和材料如之前完美比例的芒果布匐一樣

以下時間交由小廚神親自講解:

將啫喱粉倒入碗中, 再加入熱水搞溶為止

「媽咪, 你聞唔聞到好香既芒果味呀?」

「嘩, 白色d花奶好似d雲咁丫」

呢個步驟哲哲最鐘意, 一杯杯空杯並排放好, 再親自安排注入芒果粒, 睇下哲哲自己隻杯幾多芒果肉~

最緊張呢個時刻, 個湯勺有點重, 幸好哲哲夠力無倒到瀉晒!

心急既哲哲整早都不停開雪櫃關雪櫃檢查布甸可以吃未, 公公婆婆有食神, 這天下午即興入來有哲哲親手做的芒果布甸吃, 雖然一人一杯哲哲唔夠喉, 但自己做的, 份外好吃, 分甘同味也是一個美德呢~