哲爸連續兩個星期沒假放不停的工作
終於有幸兩日例假被安排連放於星期六日
yeah~ 都不知多久沒有和哲爸渡過星期六日
昨晚和 bess慶祝牛一
晚上到了 TST金田
一路的吃一路的笑
真的有種感覺會把吃下的統統笑到吐出來!
今晚吃得很盡興
果然賴低了哲哲我和哲爸都吃回本
食到七七八八, 個個個樣都古古惑惑, 就知又有野玩啦
玩咩? 辣辣壽司邊個食, 我唔食, 你要食. 咪就係玩估點數同畫鬼腳, 輸左就要食勁辣壽司或者其他 wasabi食物
當晚的大輸家有家雄 (3次), 哲爸 (2次)同 bess (2次). 哈哈, 死唔信邪, 平時牙刷刷果兩個昨晚竟成了大輸家. 畫鬼腳既野我最叻, 辣辣壽司邊洗輪到我?! 不過人人都食齊, 以為自己時運高過到骨, 點知最後果關終極勁辣燒冬菇竟然落左我手上, 偉大既愛情出現了 - 哲爸幫我頂左, 鍚晒你~
爆笑過後吃蛋糕啦, 難得家雄買這個藍莓芝士蛋糕好味之餘還不會膩, 吃得飽飽仍能清得下
壽星女 bess. 鏡中還有家雄同 emily
由7p.m.不停食食食, 食到 10p.m.
途中我地嘈怨巴閉還不停落 order叫壽司要 wasabi
難得經理及侍應們明知我們在玩但也照服侍我們 (我地食晒 ga, 無浪費)
每次輸家吃完壽司後時, 叫侍應 refill wasabi總是大大碟
嚇得我們一額汗 (不知要輸多幾多次才清得晒 d wasabi!)
最好笑係當晚我們所吃下的 wasabi應該有兩大支
夾埋應該吃夠了一年的 wasabi份量
吃完晚飯
原先我和哲爸打算二人到尖沙咀影燈飾
一干人等也有興趣 join我們
所以一併去到 harbour city看燈飾
今年的聖誕氣氛及裝飾不及前兩年
經濟不景實在地反映在眼前
今年的主色想必是金色吧, 但現場一點金碧輝煌的感覺也沒有
我地好珠光寶氣 feel呀~
齊人照, vvvvvv
影到最後都各自回家, 餘下我和哲爸意猶未盡, 到尖東海傍看夜景. 嘻嘻, 突如其來的 post甜壞了哲爸, 拍到什麼不放上來啦, 放張正經過正經的照片好了
上年 聖誕懷著哲哲也有到 harbour city
可惜人太多, 而且燈飾不算吸引
今年應該未必帶哲哲一起影 lu...
沒有留言:
張貼留言