一直以來我都很討厭那些手提式的遊戲機如 nds或psp之類, 特別是小朋友, 拎住部野去到邊玩到邊, 坐埋一邊唔打招呼唔睬人, 對任何事和人都毫不在乎, 很無禮貌
我曾和哲爸說過一定不會買這些遊戲機給哲哲玩, 直至到他長大時我認為他有自制能力才考慮
開學日那天哲爸收到寄來的 ipad, 晚上就 download了一些簡單的遊戲給哲哲過癮一下. 哲爸說有很多遊戲很適合小朋友玩, 不過我覺得還這麼小的孩子應該玩「真實」的玩意, 而不是虛擬的東西. 網上的遊戲花臣何其多, 我倒不想個仔玩踢波玩賽車過關超勁但現實生活中是個四肢笨拙唔願郁的豆腐白痴
早兩天在等麻麻的時候, 哲哲吵著要玩 ipad (在家玩都算, 仲要扭出街玩, 唉...), 有人爽快拿出之後, 哲哲玩著玩著, 玩到麻麻來了多時都無為意. 經「提水」後見到麻麻都仲掛住玩, 要不是麻麻開聲哲哲一定唔識叫人了
原以為麻麻不歡喜, 一定會訓話哲哲幾句, 轉個頭...
"左邊左邊"
"過左龍啦, 要右返少少"
"前面果度丫, 要經過藍色果度先「登登」丫"
要不是親眼見到, 真的不知道一部 ipad竟引得老中青齊齊肉緊起來, 哲哲仲好似好有經驗咁教返麻麻牛姨點玩, 真係....#$^*@&
話雖如此, 個衰仔玩呢個遊戲又玩得幾好, 玩過一次之後識得推理每一關要點樣做先達到目標過關, 不過我情願見到哲哲玩真既珠盤, 而不是這舊電子野...
現在每一天哲哲最盼望哲爸回來 (之前從未聽過哲哲話想爸爸快點回家架, 哼!), 每當哲爸回來的時候特別好服侍又賣口乖, 為的就是哲爸袋中那部 ipad, 入迷程度連每晚最愛的奶奶都忘記吃 (仲好, 當戒埋佢!), 用「上晒腦」黎形容哲哲一點也不為過, 就連出街時不時會興奮尖叫「 ipad丫~~~」, 望一望, 哪裡是 ipad呀, 根本只是個電子相簿咋嘛...
家中有魔鬼, 令人防不勝防; 洗濕左個頭, 唯有和哲哲約法三章, 做到一定的要求才可以玩一陣~~~啦~~~ (長嘆)
沒有留言:
張貼留言