初閱香港版巧虎

聖誕節的時候我們收到megan姐姐送來的巧虎. 對巧虎既認識, 早在08年加國的blog友所介紹, 那時覺得巧虎是一套很好的教材, 不過網友購的是國語版, 對我來說自然不夠親切感, 現在巧虎有香港版了, 讀上來原汁原味, 等我第一時間拆出黎睇下今期講咩先!

Megan姐姐很細心, 知道細佬快兩歲了, 所以給了我們「適合2-3歲的幼幼版」, 今期主題是「我長大了!」. 雖說巧虎是比細佬睇的, 不過哲哲見我同細佬睇得咁開心, 都要吵住一齊睇. 「我長大了!」對哲哲來說也很有同感呢~

巧虎做哥哥了! 家裡有新成員, 對小朋友來說變化倒不少, 一路讀巧虎和哲哲一路回味做哥哥的心情, 哲哲也笑說細佬bb時的趣怪事, 兩兄弟邊睇書邊貼著隨書附上的遊戲貼紙, 好開心!

「虎虎, 啜啜, 啜啜奶奶」

隨書附送既巧虎唔係一隻床頭公仔咁簡單, 書入面有圖解教小朋友點樣幫手做大哥哥/大姐姐, 好似餵奶換片抺面, 細佬都做得似模似樣架

書入面拆出黎既遊戲卡有個袋仔入住, 可以夾返落書尾隨時拎出黎玩, 好方便既設計, 而且全書都是防水膠面, 唔怕比水倒濕整爛, 貼紙又可以反覆撕貼, 細佬有時飲飲下水又要睇都唔怕整濕lu

細佬手眼協調唔錯bor…可以手定眼準咁將貼紙貼到圓的中心, 叻仔!

話說細佬見到巧虎不停喊, 即刻學巧虎不停嗚嗚叫, 個樣超級抵死XDDDDD

「禮貌寶寶」呢個單元鬧出抵死可愛樣, 同時也令細佬明白原來一味喊, 媽媽係咩都幫唔到, 只有慢慢說出來媽媽才可以幫你解決問題. 同樣情況適用於發脾氣, 有時細佬發脾氣扭計係咁喊, 我就會揭返呢一頁比細佬睇, 喊係無用架, 要乖乖地慢慢講先得

讀了一個月巧虎, 感覺這個教材是顯淺易明的一套生活教材. 故事情節簡單, 幾頁已可說明一個單元, 對細佬來說, 有我伴讀很容易就理解了, 對哲哲來說, 簡單的字句, 可以訓練哲哲的認字及朗讀能力. 對我來說, 本parents guide薄薄的, 沒有長篇大輪的理論, 對我這些時間緊湊的全職媽媽來說, 讀上來沒有壓力感, 洗好碗得閒讀一頁, 訓前又讀一頁, 唔洗去圖書館借厚厚的育兒書, 都可以得知切合該期主題的育兒資訊

現在細佬幾乎每天都在讀, 有時我忙著打掃沒有一起, 細佬也會自己翻開書揭揭. 雖然哲哲是六歲的小男孩, 不過還是個大bb, 成日同細佬爭住睇, 爭住貼貼紙, 爭住攬巧虎公仔, 睇黎要盡快拆埋另一期巧虎, 皆大歡喜一人一本先得!