試玩: 玩具反斗城之「復活節尋寶獵奇」

尋日應邀去到玩具反斗城出席一個「復活節尋寶獵奇」之體驗數碼互動旅程, 今次個活動比較特別, 係用智能手機去玩, 當哲哲知道尋寶解碼可以加以手機配合就覺得好新奇. 哲哲媽媽因為是日有要事忙, 所以今次個活動就由我, 哲爸黎同大家報導喇!

呢日個活動除左係玩具反斗城試玩互動尋寶獵奇活動外, 仲介紹左好多復活節新登場既精選玩具

戰隊即係戰隊, 時時刻刻都記住自己既使命, 一拎上手就要做美國隊長去保衛國家 

活動開始啦! 一開始工作人員要我地download「Toys"R"Us Egg Hunt」既免費程式, 入到場, 只要搵到復活蛋虛擬標誌就可以進行解碼 , 究竟係邊度呢?

「目標出現, 搵到第一個啦!」

開左個app, 瞄準個解碼標誌, 究竟會點呢?

原來解開第一隻復活蛋就會有公仔彈出黎, 好得意喎!

哲哲好努力咁搵齊四個, 越來越多公仔彈出黎, 個畫面好豐富!

當最後一個解碼完成, 哲哲好有滿足感, 仲問咁快解晒喇? 有無得重頭玩多次架...想重玩一次之前, 襯個公仔畫面咁得意, 影返張相留個紀念先

玩完後出左個咁既畫面, 仲有小禮物拎喎! 哲哲第一時間走去counter問姐姐要禮物

「小朋友, 未拎得禮物住, 你scan埋呢個解碼先有禮物仔」

有得玩又有得食, 呢個活動幾有新意. 完成任務透過「Toys"R"Us Egg Hunt」既免費程式於facebook分享照片, 仲可以享有五百分既星卡積分, 享受更多既折扣優惠

正當哲哲想食朱古力時, 工作人員開始介紹獨家精選玩具, 有哲哲鐘意既美國隊長飛彈防護盾, 即時收起排朱古力留心聽下點玩先...

(續)

以下係玩具反斗城「復活節滿兔繽紛」既推廣活動:

復活節將至，全港最大型的玩具連鎖專門店玩具“反”斗城，由4月8日起至5月5日期間推出「復活節滿兔繽紛」推廣活動，特意搜羅逾百件新登場或獨家的熱賣玩具，以及多款應節兔仔造型的玩具，部份產品並以優惠價發售。同時，玩具“反”斗城於各分店首次設復活節數碼尋寶獵奇，由4月11日至27日期間，顧客可透過手機應用程式「Toys"R"Us Egg Hunt」於店內尋找復活蛋標誌及逐一解碼，完成任務後更可拍照留念，「星卡」會員於Facebook分享相片，更可享500「星卡」積分!