暑假第一擊, 就係落商場去戲院睇早場! 幾乎每一年的暑假都有多啦A夢大電影上畫, 哲哲這樣喜歡, 當然要去睇, 呢日我地去睇德仔, 哲哲大個仔了, 睇戲時大部份都睇得明套戲講乜, 細佬比起上年也懂事很多, 睇動畫聽埋旁白都很理解, 一開始入去睇黑炆炆既「 大電視」係有d驚, 不過很快就好投入, 兩兄弟一路睇一路食零食, 不知幾爽!
天氣太熱了, 爸爸依家無得放平日, 去唔到沙灘游水, 近近地第一次膽粗粗帶兩隻臭豬去泳池游. 一拖二不是擔心梳洗麻煩, 不是擔心車程長拎好多野轉車等車訓著覺要抱攞苦黎辛, 而係擔心睇唔掂兩個, 嬉山莫嬉水發生危險. 可幸哲哲同細佬都好乖, 去bb池時雖然哲哲好悶, 但都肯一齊行動怕走漏眼, 到習泳池輪到細佬無野玩但都會忍耐, 兩個都抵錫~
哲哲一直都好想去bumble tots度玩, 不過暑假期間收費不便宜, 見哲哲同細佬好恨玩, 難得一年先玩得一次, 一於豪一豪佢. 斷估唔到一個小小既地方都可以不停咁玩足八個鐘, 中途我們只在7-11吃了幾件蛋糕仔同維他奶, 小朋友既精力真係無窮無盡, 而我既忍餓功力亦越見深厚, 百幾蚊由開鋪玩到收鋪, 夠晒皮囉...
終於等到爸爸放假而又唔洗為裝修一事而舉家出動, 上年去斧山道泳池見到室內池有海盜船好想玩, 不過維修期間關閉未有機會玩, 今次去到有得玩, 我們都玩到好盡興, 細佬仲倦到食食下lunch訓著添, 哈哈!
暑假流流長, 緊係要約埋好朋友一齊去玩啦! 呢日約左朋友仔一齊到沙田睇戲再到ikea運吉, 前一秒個個斯斯文文幾可愛, 下一秒就原形畢露...好在人少少無比人鬧~
逢星期三好多展館都免費參觀, 近近地我地去左兒童探知館搞搞震, 一身農民和店小二既裝束真係好得意, 咁簡單既展館都玩大半日, 之後仲上埋樓上既粵劇展館同李小龍館, 輕輕鬆鬆嘆住冷氣享受了美好的一天
又黎打搞表叔一家喇! 呢日我同哲爸又要出動搞裝修野, 於是放低哲哲去表叔屋企玩兼過夜, 哲哲真係大個仔啦, 仲記得兩年前去表叔過夜仲要著尿片, 依家唔洗囉, 仲可以同表叔表姑玩d要用腦既game, 唔係只係打機低低bb lu~~
仲左玩, 這個暑假還有些有趣的生活片滴值得記住...
如常到圖書館閱讀樂, 剛好遇上幼稚園同學, 齊齊睇書有講有笑, 愛閱讀的都是好孩子~
仲比同學毒中玩呢D超人格鬥街機, 每日都要吵住買卡排隊對戰打機, 雖然望落有d無聊亦唔知有咩好玩, 不過做媽媽都要投其所好, 陪佢一齊癲, 一齊排, 一齊潛卡, 都係一件開心回憶黎
好久沒吃迴轉壽司了! 這天又破財, 帶細佬去見識一下. 哲哲固然開心有好野食, 細佬都覺得好得意, d壽司轉轉下, 仲好似神農氏嚐百草咁, 好吃放一旁, 不吃的又放一旁~
除左第一次食迴轉壽司之外, 游完夜水, 第一次三母子去吃甜品, 賴低仍在加班的爸爸去爽一爽, 爸爸看得牙癢癢呢, 哈哈
遊戲室幾乎每日都幫襯, 就算不是暑假, 我們一星期總有三四日會到圖書館和遊戲室放電. 趣怪既細佬做出多個高難道動作, 唔通想做彭丹接班人?! XDDDD
這張相的由來就是兩兄弟行過吵著要玩彈彈波, 還竟然齊齊彈到三連中, 送貼紙一張~
一連下了幾天雨, 難得有陽光, 幾曬幾熱都好, 都要出黎曬下d懶蟲, 踩轉單車先, 不過我就辛苦囉, 細佬懶踩, 成日要我推, 好倦呢~
超級市場是我們最喜歡去的地方, 一車過, 載人又載貨, 齊齊掃零食, 哲哲有自主權話事揀小息零食外, 又可以學到budgeting, 細佬又可以多點認識生活事物, 幾好~
傻瓜一二號, 一張賣旗貼紙仔都玩得咁開心~
不得不說細佬最近練成神技, 好鐘意邊行邊食飯, 真係比佢激死!
小b大任務! 平時我地為哲哲準備早餐, 呢個暑假哲哲有機會孝敬返我地轉頭. 比左廿蚊, 一部電話, 就自己落樓為我們買麵包做早餐, 任務成功! 細佬都唔執輸, 一樣敢開口自己買麵包, 叻仔丫~
今個暑假過得很豐盛, 唯一是沒有機會去沙灘, 令哲哲失望了, 希望來年暑假繼續玩個夠, 到時細佬再大個d, 帶住佢周圍去可以玩更多野, 更開心了~
沒有留言:
張貼留言