今日重點 - 新濠影匯既綠野游蹤去玩水!
we are ready!
尋晚在酒店買了半價麵包, 早上在房內邊喝咖啡邊吃早餐...
香港出發的時候見澳門天氣預告不穩定, 還擔心玩唔到水, 幸好捱到走的時候才下雨, 浸落水就涼浸浸, 上水就曬到變燒豬~~
窗外景色, 我們房望住泳池, 奶奶的房是望摩天輪景色
你兩個好快d換泳衣喇, 唔係唔夠時間玩水架!~
大毛巾, 電子儲物櫃同小童救生衣可以在門口登記免費使用
在摩天輪底下玩水
人造沙有點吉腳, 音樂噴泉兩兄弟好鐘意玩
兩個小兒科滑梯, sir落黎都幾刺激, 兩兄弟排完一次又一次
這個飄流最好玩, 五個人玩左唔知幾多次, 玩到最後一刻得返半個鐘check out都唔願上水
還有大型充氣彈床同巨型保齡球玩, 玩完仲有吹氣球棒送~
已經late check out左, 玩到11:30a.m. 真係要走了, 極速回房沖身check out走人
影完夜晚, 日頭都來一張摩天輪合照
搭的士去到澳門議事亭前地, 我們到當地人才會去的營地街市熟食中心吃午餐. 這個熟食市場比香港的乾淨得多, 價錢經濟. 哲哲的煎蛋豬扒丁, 豬扒即煎好香口, 塊塊厚身; 我既牛坑脾麵$30有找, 加多支汽水, 爽晒!
環境乾淨企理, 最緊要冷氣夠,大熱天時食飯無冷氣既話真係會熱到食唔落...
一直往大三巴牌坊走, 來到試食街兩兄弟最開心!. 平時哲哲去味x香求試食, 一係就唔比, 一係只可以拎一次, 黎到呢度就唔同, 唔洗求, 直頭間間都塞你食, 任食唔嬲,哲話要比個good 呀!
長期多人, 實在太曬了, 逗留了一陣就走lu
又係時候坐低抖一抖, 食杯雪糕. 向前走來到禮記食件蛋治, 嘆盒懷舊雪糕三文治, 喝杯雪糕紅豆冰
最後一站! 搭巴士來到澳門科學館, 暑假有接駁車去外港客運碼頭, 座數有限(24座), 要坐既朋友要早一點在門口排隊喇
有電子櫃可以借用, 將所有袋塞晒入去, 唔洗揹住d袋四圍行, 不過走時記得要拎返喎!
電子櫃就在入場不夠的遊戲區, 可以睇到咁上下時間, 兵分兩路, 一面出去排隊, 另一邊睇住d小朋友玩多陣, 涼多陣冷氣
原來太空人既廁所係咁既XDDD
工業重地, 閒人勿進XDDD
這個地盤工地限120cm下兒童進入, 哲哲第一次恨自己長太高, 無得玩XDDD 想玩既小朋友建議可先到這裡排住等, 每節二十分鐘, 人數有限~
每層都到過了, 還有最底一層有恐龍睇, 不能錯過!
時間不多, 哲爸到外頭排接駁巴士, 兩兄弟係度玩住等, 兩個都好乖, 一叫就走:)
這次澳門之旅實在太抵玩, 奶奶話下年暑假見平的話, 一定要再同兩粒乖孫黎澳門玩水渡假. 玩完今轉, 抖多一個星期輪到我們既台中之旅, 今個暑假兩兄弟真係發達, 連去兩個trip, 暑假so fun!
正呀
回覆刪除