澳門之旅後, 節目繼續精彩, 這天我們和同學仔參加了YMCA的「植著果子說愛你」的活動. 種花種粟米種菜試過了, 種樹倒是第一次, 這麼有意義的活動, 可以讓兩兄弟知道種一棵樹要花很多時間心機, 破壞只是一剎那, 希望他們會好好愛護大自然
活動場地就在烏溪沙青年新村, 非常非常的近我們, 所以沒有跟隨大隊搭旅遊車, 而是直接由家步行過去
食飽午餐出發喇~
去到禮堂, 大會請來嘉賓進行儀式, 活動還未開始, 小朋友們在台下已經好興奮四圍跑, 今日竣竣做香蕉男XDDD
活動前和同學們大合照一張~
大會安排了數種樹既品種, 米仔蘭就由我們一家栽種, 希望小蘭可以茁壯成長喇~
聽哲爸講解後, 哲哲試著翻開泥土. 其實大會很體貼小朋友, 怕大熱天時小朋友會辛苦, 一早已經為我們挖了個很深的洞口, 今年是YMCA 115週年, 這天會種115棵樹, 亦即是大會要挖115個洞, 認真唔容易呢
竣竣也有認真的挖, 不過似乎有d失手喎XDDD
經哲爸幫手後, 兩兄弟開始有板有眼, 順利將其中一棵米仔蘭移植到泥土
倒返d泥, 加d水, 完成喇! 睇真d, 牌上有兩兄弟既名, 呢兩棵幼樹係屬於兩兄弟的~~
我地會經常返黎睇下小蘭, 你要加油, 快高長大丫~~
事後兩兄弟都話原來種棵樹係咁辛苦, 會好好愛護樹木, 唔會亂用紙. 看來今次參加這個活動既目的已達到了, 呵呵
勞力過後, 大會有水彈戰, 充氣彈床同攤位遊戲比小朋友玩. 唔洗問, 水彈一定最受歡迎, 咁熱既天氣, 唔玩水玩咩丫?!
水彈狂人XDDD
開戰喇! 四邊炮台輪住上彈, 小朋友個個爭住接彈, 超好玩, 降暑一流!
小休後, 夠鐘吃晚餐. 餸菜不過不失, 見飯檯有雞食, 好驚喜!
由朝玩到晚, 食完飯仲有抽獎遊戲, 人人有份, 哲爸哲哲同竣竣都中左禮物同現金劵, 我咩都無, 真係黑到一個點=.=
今日真係好滿足, 參加左咁有意義既活動, 有得食又有得玩, 仲有禮物收, 正如哲哲寫下感想: 很有意義, $40就能玩, 真是個誠實的小孩XDDD
沒有留言:
張貼留言