最近負面情緒當道, 在 plurk呻苦未夠痛快, 昨晚和鐵腳媽咪團齊齊賣甩老公仔女, 相約在 金田 大飲大食, 笑到甩碌咁輕鬆左一晚
這一晚我們風花雪月, 對酒當歌 (好似誇張左少少, 但真係難得好高興叫左支清酒齊齊飲, 好開心!), 沒想到育兒以外, 我們還有更多的話題, 就連大小便二事都能說一餐, 真的有種「至八會」既感覺. 我地傾咩? 唔講得! 免得被某人知道下次封殺我無下次, 嘻嘻
下次還是不要吃放題了, 笑到我成晚食唔到野好蝕, 肚子好空虛啊~~~
傾到鋪頭都打烊, 誰都覺得意猶未盡, koko帶來了 上次哈根大師活動 送的 coupon和大家分享, 於是大伙兒步行到專門店吃雪糕. 好媽媽杏子因為掛茄心切, 所以先行告退, 餘下我們一行六人夜遊尖咀街頭, 好型~
去到專門店門口才發覺夠鐘關門, 唯有外賣齊齊企住吃. 我吃的是芒果熱情果, 酸酸的好開胃!
夜遊街頭, 加上喝了一小點酒, 越夜越精神, 令我想起年輕時精彩的夜生活
這晚好開心, 多謝 koko的雪糕, 多謝各位靚媽讓我有個愉快的晚上, 這一晚的意義對我來說就像我們 第一次 727正式見面 那樣珍貴, 識著你們真好! (希望你地唔會有相反既感覺吧, 呵呵)
很期待很快很快有第二次...第三次的聚會...
後記:
感謝的說話怎少得哲爸呢?
多謝哲爸這晚捱義氣照顧痴身的哲哲, 晚上回家的時候, 哲爸說哲哲這晚很俾面好乖無扭計要媽咪陪訓覺, 只是知道我和各位姨姨們吃飯無佢份就唔多抵得
聽著聽著這晚兩父子的節目也很精彩 (幻想著過多幾年兩父子一齊踢波打機賣甩我轉頭...) 看來哲哲沒有我在身邊反而沒有借口扭計, 再探哲爸口風這晚順利沒有難搞的事, 即是...下次有聚會都應該無問題啦掛...
小別勝新婚, 這早哲哲起床如常第一時間跳上我們的床, 不過這天有點不同, 他甜甜的對我笑「媽咪早晨」, 隨之奉上長長的 morning kiss, 有得自己出去玩仲咁著數賺埋哲哲的帳, 好想出去玩多d呀~~~
沒有留言:
張貼留言