小語錄 (I)

這幾個月發生了很多有趣的對話, 情節太多需分開記錄: 

某晚哲爸洗澡完畢「媽咪, 幫我拎對拖鞋過黎丫」

哲哲拿起哲爸的拖鞋遞給爸爸「嗱! 你都咁大個啦, 仲要人地幫, 下次自己拎啦」

(估唔到哲爸和我的對話哲哲也聽在耳邊, 仲識教訓返爸爸添, 又講得有道理bor!)

六月中的一個假日和哲哲去赤柱閒遊 

「 媽咪, 你睇下果個叔叔幾黑, 佢係咪無搽太陽油曬到燶晒呀?」

(err...哲哲, 果個係黑人來的...)

某天和哲哲一起選購mavis的生日禮物時, 邊看時哲哲幽幽的說: 

「媽咪, 我生日你有無送禮物比我丫? 我好鐘意禮物架, 你唔送我會好唔開心架...」 

(事後哲哲要求睇返咁多年生日既相, 雖然咁多年媽咪都無買過生日禮物比你, 不過生日唔一定要收禮物, 有蛋糕有爸爸媽咪陪你玩都已經好開心啦, 係咪?)

「哲哲! 未食晒飯唔準落地玩車!」

「唔係~~ 我檢查下架車有無爛咋嘛, 我唔係玩架~」 

(真係零舍多藉口!)

「媽咪, 我背脊好痕呀, 唔該你可唔可以幫我r呀?」

當我邊r邊問哲哲邊度痕時, 哲哲回我一句:

「係啦, 係呢度啦, 你真係好醒目bor!」

(你把口仲醒目啦, 講野咁老積...)

某天晚餐的時候, 哲哲對住碗飯不想吃

「媽咪, 我今日無胃口, 我飽飽啦, 唔食啦」

「好啦好啦, 咁一陣食完飯我地食甜品, 你咁飽都食唔落囉, 一陣唔好食啦」

「我好似又有返少少胃口, 依家有少少肚餓, 我都係食飯啦」

(想吃甜品還是乖乖吃飯吧, 嘿嘿)