jun 9, 12
哲爸和我二人世界去了澳門, 離開了兩天, 這兩天谷得很辛苦啊, 心裡也很掛念不知細佬用樽食奶食得慣嗎? 這天回到家最擔心的是細佬還認得我嗎? 還記得如何啜奶嗎?
一抱埋身, 呼...舒服晒, 兩邊胸的硬塊終於清了, 那是如何手擠都不能清的感覺, 朋友笑說, 都吃了兩三個月, 怎可能離開兩天就忘了如何吃呢?
jun 11, 12
頸仔肌肉有力左, 可以轉頭頭仔, 唔會好似之前咁成日訓向右邊, 反轉扒身也開始試著抬頭了. 最近比較多口水, 發到好多音, 手仔也靈活不少, 放條紗巾落塊面度, 識用手拎走, 哭鬧上來, 腳仔仲識游背泳咁腳撐撐tim!
望真d, 細佬...好似順眼左, 白左多肉左靚仔左wor!
逐漸變白, 得左~
正在練習抬頭, 但...你個樣, 好勉強bor!
jun 15, 12
好唔想質疑, 但不禁問自己: 我真的夠奶, 可以全人奶給細佬嗎?
看著他越吃越差, 增長又少, 每天追濕片就像追quota一樣, 很吃力, 壓力很大, 就連哲哲也說我沒有時間陪他
我這樣堅持, 是不是盲目的沒有為初一設想到?
朋友們說細佬增長得差, 又經常哭, 可能是吃不夠奶. 為他好, 是不是應該補奶粉等佢飽肚d, 唔洗成日喊肚餓人又炆陣訓唔好呢? 加上我又休息不夠, 說我的奶質素會差, 不如放棄讓彼此都輕鬆點
真的感到很迷茫, 無助...食奶粉都可以成日喊, 訓唔好, 邊個話食人幼既就唔及奶粉好? 頭三個月急速增長期反讓細佬越吃越輕, 是我太自私, 不自量力嗎?
自私與堅持, 真係只差一線
請教過健康院的母乳姑娘及不同的母乳機構熱線, 說的都很不一樣, 相信那些都是自身經驗之談, 或許每個bb有自己的特性, 大飽大餓的固然好, 也有些可能胃口小要密密餵. 上次姑娘說我要餵密點, 一有時間就餵, 這次的姑娘卻說餵太密餵到無心機食, 個胃無停又點有胃口再吃多點? 建議等到佢餓, 或是隔兩三小時才餵一次
什麼方法都試了, 就是沒顯著改善. 唉, 真令人感到氣餒...
jun 16, 12
三個月的細佬, 不知是不是厭奶期. 人家說每逢三的出現, 即三星期, 三個月會有猛長期, 對奶既需求會增加, 細佬沒出現過之餘, 現在還學人玩厭奶, 學會食手指就好奇了嗎?
不知是牙痕還是什麼, 最近很喜歡塞手指入口咬呢~
依然喜歡在high chair訓, 雖然訓到樣衰衰好粗魯...
最近真的很煩惱, 除了細佬食奶問題之外, 這天哲哲還開始學會比較, 他和細佬之間邊個多人鐘意d, 常常問我邊個可愛d? 邊個乖d? 之後又會自說自話說自己叻d識好多野, 而細佬什麼都不識 (當然啊, 哲哲你是哥哥, 細佬就只懂食訓痾喊, 所以你要乖乖做好自己之餘再幫輕媽媽啊)
jun 17, 12
呢個細佬...就係喜歡扭人抱打直訓, 好識嘆啊
jun 20, 12
因為想細佬食多餐奶增磅, 我決定比返細佬食夜奶, 大約5a.m.叫醒佢食一次. 雖然辛苦了大家, 但我唔洗谷咁耐個胸咁痛咁辛苦, 既然會漏晒奶落床單, 不如給細佬啜啜, 佢又可以多餐奶吃, 我又舒緩了奶脹痛. 開始了兩三天, 暫時濕片片數多左一次, 希望辛苦得來有成果喇
jun 21, 12
三位劉生都係口水多過茶! 細佬成日咦咦哦哦, 扭人抱下傾下計, 仲好多表情好鬼馬. 叫佢細佬會慢慢轉個頭黎望向我, 食食下奶會r下頭, 一時又捉住自己隻腳, 一時轉個頭黎望住我笑, 有時更會比個得戚樣我tim! 真係好心甜
古靈精怪, 喜歡笑亦喜歡喊, 更喜歡找人陪傾計~
這陣子很喜歡這樣的r腳仔
哲哲對細佬暫時都很照顧, 出門的時候會同細佬講聲我地出街一陣見, 細佬喊時又會叫我睇下細佬發生什麼事, 乖仔, 抵鍚!
jun 23, 12
有人好薄皮! 比人大聲少少話兩句, 就扁嘴索氣喊, 見到個樣咁好笑, 又點忍心鬧你呢, 細佬?!
細佬見住哲哲, 日見夜見, 非常喜歡哲哲, 成日望到佢就會笑, 喜歡既程度比喜歡哲爸還要多, 有時甚至會笑到出聲 (時有時無)
jun 24, 12
一百日大了, 要身體健康, 每天都開心笑, 食好訓好啊~
jun 28, 12
bb成長真係一日千里, 才隔了數天, 細佬已經可以抬起頭喇! 換片時都少左嘔奶, 之前笑果陣間唔中有聲, 依家已經可以笑出聲, 好可愛呀! 雖然可愛, 但最可愛還是細佬吃奶的樣子, 食到成面都係奶, kawaii~
雖然還未學懂完全轉身, 轉了一半, 幫一幫才可以轉埋另一邊, 但已經可以抬高頭, 不像以前般吃力呢~
仲唔比我影到你發惡個樣?! 喊到咁惡, 原來有人個頭撞左去床圍度出唔返黎, 見到呢個樣真係好嬲又好笑 XDDDD
沒有留言:
張貼留言