may 12
臨近暑期ocean park都會舉辦一些保育及教育性的活動, 這年的主題是與海陸空的動物作近距離接觸. 很榮幸收到pccw的jason哥哥誠邀我們在母親節那天參加ocean park x pccw的「親親動物玩學團」, 那天剛好哲爸要返工, 正好和哲哲拍拍拖共渡母親節
報到報到! 登記過後, 哲哲穿上了大會提供的t-shirt, 大會還安排了攝製隊全程直擊, 輪到訪問哲哲說幾句時, 哲哲有點怕羞傻呼呼的. 這天更巧遇daniel仔仔, 真好, 哲哲有伴了~
等齊同組的blogger朋友仔, 出發喇! 我們這一組叫「大熊貓組」, 小朋友都很興奮的又叫又跳, 一d都唔似懶洋洋既大熊貓, 似馬餾仔多d bor...
海洋公園的工作人員帶到我們到一間課室, 先作自我介紹, 然後和小朋友們熱熱身, 玩遊戲, 睇下哲哲玩估領袖玩得幾高興!
一輪熱身過後, 玩學團正式開始喇!
第一站先到海洋館, 工作人員一路帶領小朋友們看海洋生物, 一路作簡單而清晰既解說, 呢一日哲哲認識了角鵬, 蘇眉, 鎚頭鯊, 牛奶魚既生態及保育等資訊, 呢d知識係平常比較少聽到, 依家能夠有工作人員作親自講解, 實物認識, 小朋友都感到好有趣味
回到課室, 工作人員和小朋友玩了個小遊戲, 每組獲派一張剛才認識過既海洋生物, 要小朋友問問題估出來, 估得最多為之勝出. 哲哲和daniel仔仔合作非常成功, 答中左三題成了大贏家~
用遊戲形式來介紹及總結新知識, 最適合小朋友不過了. 幾位工作人員都很有趣, 和小朋友打成一遍, 後來又以這個砌圖來帶出海洋污染及保育既重要性, 趣味得來唔會很悶很有說教的意思
遊戲過後, 我們到了另一間課室, 這裡擺放了不同的海星及海參. 哲哲以前摸過海星, 所以不會太害怕, 有些小朋友比較緊張, 擔心海星會食佢地隻手XDDDDD
對某些小朋友來說, 可能從未見過海星, 這次有機會親身觸摸確實是個很難得的機會. 小朋友逐一摸過後, 工作人員將兩者作了個小比較, 也講解了海星的嘴巴和眼睛在哪裡. 啊!!! 我也是剛剛才知道海星的嘴巴在哪裡, 真係孤陋寡聞...
小休一陣, 來到我最期待既環節 - 參觀海洋既秘密廚房!!! (因為廚房要保密, 所以不能拍照)
入廚房之前要作雙重消毒, 工作人員給我們看看海洋生物的「每日餐單」, 有些魚要吃蝦, 吃吞拿魚, 吃得好豪華啊!!!
這天的課程很緊密, 參觀完廚房又到了亞洲動物天地看鱷魚, 小熊貓及娃娃魚. 天氣太熱喇, 哲哲開始有點倦, 來到這裡開始呆呆, 有點體力不繼了...
時間緊湊, 簡單介紹過後, 工作人員又同小朋友玩遊戲啦. 人人戴上聖誕帽子, 帽上插著一張印有剛才介紹過的動物, 有口難言, 要小朋友大朋友們同心合力搵出屬於該動物的習性及有關資料, 小朋友都很醒目, 話咁快就搵岩晒!
終於來到最後一部份了- 坐定定睇貓頭鷹. 呢隻唔係普通既貓頭鷹, 而係大雕鵑. 睇訓練人員隻手就知, 呢隻雕鵑係幾咁重, 個頭仲可以作270度後轉, 比人類既180度轉得更多可以睇到前後方, 好厲害呀!
完成所有保育課程, 畢業喇! 接過證書, 就要以身作則, 好好宣揚保育訊息
呢個活動真係既好玩又有意義, 爸爸媽咪又可以陪同小朋友一齊認識海洋生物, 上了一堂寶貴的親子課, 這個玩學團仲分左兩個年齡組別, 所學到既知識係各式各樣啊. 完了這個活動, 哲哲對海洋生物既世界認識多了一點, 唔會再以為海洋公園只係有機動遊戲同纜車坐, 在此非常推介比有興趣既朋友報名
沒有留言:
張貼留言