「決戰一分鐘」之家務版

哲哲很迷「決戰一分鐘」, 由開播的「蘋果疊羅漢」...

到最近的「百萬銀叉」...

還有更多更多的挑戰都會在家試著做(例如留起d飲品罐比佢用搖搖fing的「神龍擺尾」, 還有試過叫我買西瓜來玩「啤牌飛標」), 入迷程度就連台詞對白背到滾瓜爛熟, 也曾說過要參加比賽. 既然哲哲咁鐘意, 一於來個「家務版的決戰一分鐘」先!

哲哲大個仔了, 依家叫做家務不如之前可以呃呃哄哄, 唔肯幫手仲會識穿個佈局反笑返轉頭tim! 這排套用「決戰一分鐘」既熱潮引哲哲入局, 嘻嘻, 果然上當~

好像幫手摺衫分類, 只要套上「決戰一分鐘」的字眼, 要哲哲限時內摺好所有衣服, 就可以順利過關, 當然, 為了增加彼此的投入度, 我也背了李克勤既對白, 不會錯喔~

摺完呢機衫, 又輪到洗衫同乾衫. 有次背錯過關的獎金數目, 即時比哲哲更正, 真係不能看輕哲哲的記性同入迷程度啊!

又有次哲哲自己要求幫手拖地, 呵呵, 簡直求之不得啦XDDDDD

飯後執碗是哲哲每天都要做的事, 不過哲哲手腳慢吞吞, 很多時收一隻又懶一隻, 依家做所有事都套用「決戰一分鐘」的名義, 所有事就順理成章, 且看哲哲這個熱潮是不是三分鐘熱度先~