may 5
想了半年, 最後還是敗了回來...
上年十月, 突然興起了韓國hipseat這股熱風, 基於出街長時間揹住細佬(那時才剛學識坐), 腰肩很痛, 於是我也湊熱鬧問朋友借來一條pognae的hipseat來試
Hipseat的賣點是用腰既承托力卸輕寶寶的重量, 減輕腰骨既勞損, 不過對我來說非常不便, 單肩帶既pognae正常使用是沒問題, 可是我經常一拖二出街, 左手拖哲哲, 右手有時要挽袋子, 要是細佬睡著了, 要騰空一隻手長期傍實, 非常不便. 再者hipseat非常大舊, 不像我現在用的combi 4way, 不用的時候可以捲起塞入袋, 人人都讚的hipseat無奈我是不合用
細佬一歲後, 重得快了, 不知不覺間用combi非常非常的痛, 長高了的細佬, 每走一步雙腳都會自然擺動的踢到我, 本來諗住細佬都識行了, 而且仲算輕磅, 忍多排可以拖住行, 雖然每次出完街腰背都很痛, 甚至痛到有時不想出街用揹帶
四月中的某天, 在一田閒逛時, 身痕的到了小赤足counter試了i-angel hipseat, 出事了. 雙肩帶的i-angel非常適合我, 細佬就算睡了, 雙肩帶可以兩側傍實, 我不需要用單手扶住頭部, 更重要的是, 腰背完全一點痛楚都沒有! 不得了, 一試難忘, 十四個月, 又識行先黎買仲用得幾耐? 行貨賣$1100, facebook水貨都要6-7xx, 已經有條combi揹帶了, 係咪值得再破費呢? 對哲爸黎講, 根本就是曬錢, 根本就無理過我感受, 我自己亦心大心細...
又隔了幾天, 再到小赤足再試...再試之外, 心裡決定要買了. 朋友說得對, hipseat可以用到三歲, 雖然細佬識行, 但未有能力行足全日, 總有時要行下抱下, hipseat可以方便上落, 唔洗好似combi次次都要扎實扣住
和facebook賣家傾好價錢確認好款式, 個多星期就收到了, $680香港行貨一年保養, 幾百蚊可以愛鍚自己腰骨多一點, 這點錢應該是花得值吧
話雖如此, 看到combi舊揹帶, 很依依不捨啊...始終是哲哲的時候用到現在, 哲哲小時不喜歡, 那就用得比較小, 細佬倒是很喜歡, 每次揹住總會訓得很甜...
還在坐月的時候, 見天氣好就帶細佬落街曬太陽, 順道陪陪哲哲打波, 初生既細佬要用這塊初生bb墊, 果陣仲係細細粒好的式
往後這塊墊還是用了一段時間, 滿月了, 開始要自己接送哲哲返學, 我們的bb車不適合初生bb用, 每天總要這樣的揹住細佬接哲哲, 一起買餸逛公園, 一拖二出街玩時也是這樣, 風雨不改
一眨眼, 已經可以直接使用揹帶, 唔洗再用初生bb墊lu! 我將揹帶較低一點, 因為細佬最喜歡枕住我心口訓覺, 軟綿綿好舒服吧, 果陣細佬仲好輕, 所以揹住細佬仲好輕鬆~
九個月既細佬對所有東西都好奇, 所以一夠高就已經將面仔向前, 眼仔碌碌周圍望不知幾開心!
直到最近, 重磅了的細佬令我開始吃不消, 揹到細佬似鐵甲人動彈不得, 而且揹到條腰越墜就越痛, 唔係真係太麻煩唔方便我真係想帶bb車, 完全怕了用揹帶...
轉了hipseat以後, 細佬成日腳撐撐好得戚咁樣, 可能因為坐得舒服左又坐高左, 諗返起真係傻, 錢最後還是要花, 早知如此真係早買早享受, 唔洗自己條腰骨捱咁耐喇~
在此真係好推介比各位朋友, 就算好似我咁浪費左條舊揹帶, 又花掉咁多時間去考慮, 但都真係值得買, 幾百蚊可以保護到自己條腰骨, 總好過傷了花不止幾百蚊去做物理治療, 希望細佬可以用到兩歲半, 咁就抵返晒喇!
後記 (jul 7):
收到賣家whatsapp通知已經於七月停賣iangel hipseat了, 朋友仔們請向其他facebook賣家查看啊
沒有留言:
張貼留言