aug 18, 12
初一似乎很喜歡沖涼, 照頭淋水也不怕, 在盤裡坐定定會自己拍水, 濺到塊面都係水還伯笑騎騎, 和哲哲小時候很大的對比啊
除此之外, 細佬仲係一個幾嗲既bb, 抱既時候頭仔會埃埋黎, 手仔又會樹熊式咁攬住你條頸, 咁嗲既性格冧得哲爸好歡喜~
自從食到腳指之後, 就一直好喜歡咁食, 訓低食, 坐低食, 出街坐車也食. 所到之處總要食, 食到人人望到都指住話搞笑 XDDD
aug 21, 12
以前細個就一定要攬住黎食奶, 依家細佬腰骨開始硬淨, 有時我會訓低打側比細佬啜啜, 咁樣就唔洗起身咁密唔夠休息, 可以齊齊訓低比細佬邊食邊訓, 食到咁上下又會自己揭開衫轉個身黎啜奶
最近細佬手仔越來越叻, 放d物件紗巾在附近會自己慢慢靠近拎起黎玩, 開始到四圍既事物好奇了
越睇細佬好似肥左又靚左, 成個樣順眼晒!
aug 22, 12
日啜夜啜, 連哲哲都話要啜! 哲哲好奇奶奶是什麼味道, 想試又不敢試, 我叫哲哲試下埋黎啜, 唔知哲哲係咪大個仔開始識怕羞, 叫極都唔肯, 但見我滴奶既時候又會用手接住用舌頭來試味, 頻說好甜好甜 XDDD
不過哲哲認真百厭, 成日整古細佬, 最鐘意咬細佬個頭, 成日話細佬個頭好似綿花糖圓碌碌, 軟綿綿好得意, 真係比佢激死!
開頭真係覺得呢兩兄弟唔似樣, 後來睇睇下, 原來都似樣架bor!
雖然細佬有時會喊, 不過更多時好似習慣了, 正所謂一個願捱一個願打, 呢兩兄弟既相處方式真係奇特:P
aug 23, 12
唔知係咪開冷氣凍親呢? 昨日開始見細佬勁打乞次, 仲有點鼻水鼻塞幾聲乾咳, 見細佬都唔係好辛苦, 所以無帶細佬睇醫生. 想起人奶入面有好多抗體, 密密餵密密補充抗體可以幫助bb抵抗病菌
說也神奇, 運餵兩日, 今日好得七七八八了, 相比其他bb, 過左頭半年或者一停餵人奶就不停病, 而且一病又會病得耐, 開重藥又散又呆又辛苦, 輕藥又舒緩唔到病症無幫助
人奶真好! 少d病, 就算病都會快d復原, 你話, 我又點可以唔繼續堅持落去呢?
細佬, 打勝仗, 叻仔呀!
aug 25, 12
細佬對所有事, 好奇又牙痕想咬, 就咁放低部電話一陣姐, 第一時間(慢慢)撲埋去要拎黎咬, 好狼死bor!
有野傍住, 已經可以坐得穩了, 好野! 坐得穩就唔洗成日扒低or訓得咁悶lu~
aug 26, 12
好辛苦呀!
哲哲滿月到依家, 晚晚都係一覺訓天光, 仲係訓得好冧果隻, 甚少會半夜醒來訓唔著; 依家細佬一晚醒幾次, 隔兩個半鐘就喊醒要邊啜邊訓, 最耐都唔過三個半鐘, 幾時先有好覺訓呀?!?!
aug 27, 12
細佬手仔已經靈活到, 用紗巾同佢玩peekaboo可以自己拎走面上條紗巾啦, 爛玩既細佬仲玩到卡卡聲咁笑tim~
除左peekaboo, 細佬仲好喜歡鼻尖對鼻尖咁玩, 次次都會玩到好開心, 有時太高興仲會作狀張口仲脷, 咦~~~~好肉酸丫, 哈哈~~~~
aug 29, 12
五個月大, 對陌生既臉孔感到不安, 會眼定定望住你, 然之後, 喊))))))
練左幾日, 終於可以自己坐到...十秒咁大把, 之後就會似傻佬咁, 不明所以的打側慢慢倒下XDDDD
aug 30, 12
呢個喊樣, 真係一個「冏」樣=.=
沒有留言:
張貼留言