自從哲哲有了新單車之後, 每次踩單車我和細佬都要人肉摩打緊追著, 踩太遠找不著哲哲怕危險, 要哲哲慢踩幾步停一停又沒趣, 每次踩到老遠我都要嗌破喉嚨的叫哲哲在哪裡等我, 非常累人
行山人士會用無線對講機方便對話及知道彼此的位置好照應, 用於哲哲身上, 即使哲哲踩到老遠不見人影, 我們也可以憑對講機和哲哲對話啊!
因為不熟識無線電對講機的東西, 於是請教愛行山的伯伯幫我們買了兩部回來. 經伯伯調教好頻道之後, 在家, 大堂走廊反覆測試過後, 這天正式落街試用, 睇下係咪真係有用先
小試牛刀, 在樓下單車徑試下個接收範圍有幾遠. 暫時哲哲踩到不見影都還收得很清楚, 沒有干擾或斷斷續續的回音, 只是哲哲有時太心急, 未襟實個對講制就已經講野, 聽唔清頭半截的說話
去到公園的轉角位, 單車路和行人徑要分開走, 哲哲有點擔心怕走失不見我們, 於是又試著叫哲哲自己踩到公園尾, 途中時不時互相通訊報位置, 最後在公園尾匯合了, 成功耶! 貪玩既哲哲, 時不時就襟制開咪講無聊野, 得戚到單手講對講機, 邊單手踩單車都無問題呢~
有左呢部對講機, 哲哲踩遠d都唔怕lu~
沒有留言:
張貼留言