aug 27
從house出發到city hall, 朋友之前給的ez-link卡可以出場啦!
一開始我們沒有為哲哲買張小童卡, 所以就散買一次車票, 新加坡的MRT很方便, 看圖示連哲哲也知道怎樣買
後來才發覺每次散買票的車費比用ez-link卡貴, 最後幾天還是出了一張ez-link卡給哲哲使用
出閘後, 我們胡裡胡塗, 走了很久都沒去到marina bay sands, 因為太餓了, 等不到去路邊攤吃, 途經一個不知名的露天熟食市場Makansutra Gluttons Bay(謝謝讀者elaine提供資料), 見很多本地人在吃, 非常熱鬧, 而且價錢不貴, 於是就走進去搵位醫肚
有串燒有海鮮也有海南雞, 搵好位, 到喜歡的counter點了菜, 就可以擺滿一檯開餐了
這一檔好吸引! 好多樣野都好想食, 點餐也很方便, 走埋去落單比錢, 之後會有舊咁既野..
盞燈熄左就會叫, 咁就可以憑單拎野食, 好方便呀~
呢檔叫d果檔叫d, 叫叫埋埋成檯都係野食! 呢餐食左SG64, 最鐘意食就係個燒魔鬼魚, 燒得好香, 個辣醬仲好好味, 越食越辣, 越辣越想食, 搞到忍唔住要幫襯汽水 (話說這裡既酒水真是貴...)
新加坡天氣雖然熱, 和香港比, 感覺沒那麼濕熱, 就算大熱天時坐戶外開餐, 都不算太辛苦, 啜個椰青更是透心涼
喜歡吃串燒既哲哲開心到不得了, 一開波太肚餓已經吃了四支串燒, 不夠喉還再order多半打, 好識食呀~
細佬都跟埋我地一齊食, 真係好叻仔, 咁多日食咁雜都無水土不服!
晚飯後, 剛好對岸的marina bay sands開始了wonderfull激光show, 不過有點失望, 激光變化有點單調, 看了五分鐘見無咩特別就走了
食飽飯散散心, 沿著海傍走, 路經esplanade濱海藝術中心一路到city hall, 見到有三文治雪糕車呀!!!
明明食到好飽, 但咁熱既天氣, 加多個冰凍既甜品就最perfect! 伯伯在凍櫃能切出一舊厚厚的雪糕磚(SG1.2), 夾落威化餅度, 超好味呀! 明明個雪糕磚出來時出晒煙好凍好凍, 但食左兩啖後, 也許天氣太熱就開始溶, 在新加坡食雪糕好似同時間競賽咁丫, 一路食一路溶到滴汁, 哈哈
繼續沿著海傍走, 路上都有很多行人, 邊行邊看到對岸漂亮既singapore flyer同marina bay sands
慢行廿分鐘就到了merlion park魚尾獅公園, 細佬見到好興奮, 不停的扮怪獸「吼~~」咁聲, 可能見到獅子個口係咁噴水所以自己都咆哮下?!
越夜越多人, 好辛苦先攝到位影張大合照
影完大獅, 仲有隻細獅可以影, 不過呢隻唔識噴水~
不經不覺, 第一日既行程就完了, 有點可惜吃不到平靚正既路邊攤, 也無腳力走去睇singapore flyer, 不過兩隻小鬼由一早六點起身, 玩到差唔多十一點都仲咁精神咁合作, 真係還得神落
影完大合照就搭MRT回house, 回到house都已經十二點了! 超倦! 明天還要一早起身去singapore zoo, 好期待呢~
沒有留言:
張貼留言