dec 23
是日屋苑大廈全棟停電, 第一日放聖誕假就迫著要九點出門, 事關九至五點呢段時間沒有電梯沒有熱水壺用沒有電視或電燈, 在家會非常不便, 為了打發時間, 我們一早就出門到戲院睇早場
哲哲看過「一生一定要認識的全球領袖五十人」, 一直很想看宮崎駿的電影, 我自己小學的時候特別喜歡「風之谷」和「天空之城」, 當哲哲知道有宮崎駿的新戲上演, 第一時間話要看這個
「風起了」講的是夢想的追求與實現, 哲哲還小, 根本不知道什麼是夢想, 相比起來「與龍同行」哲哲和細佬應該會睇得更投入. 不過哲哲執意要看, 也就買飛入場lu~
戲院太黑, 鬼影了~
這次是細佬第一次入戲院, 也是我們三母子第一次睇戲. 細佬一向很定很乖, 我也不擔心細佬會扭落地喊走或大吵大鬧. 一開始細佬見到飛機好興奮, 成場不停「嘩, 飛機呀」「車車呀」「火呀, 熱熱呀」, 後來因為片太長, 講夢想那部份畫面太沉悶, 加上細佬一早起身未訓夠, 好快就在我懷裡入睡直到片完, 乖乖的細佬, 抵鍚!
睇完戲又吃了午飯, 我們出發到沙田閒逛
ikea真係好適合打發時間, 這兩兄弟去到沙發又坐幾下, 去到衣櫃又開幾下, 見到床又彈幾下, 看到這些遊戲機自然不放過
細佬很喜歡ikea的繞珠架, 又愛砌路軌車玩, 最近還喜歡拉著車在地上行
「有野賣, 有野賣! 呢位小姐請問你想食咩呢?」
運完吉, 找個地方落腳吃個下午茶, 找到位子就開餐啦~
吃飽飽, 見有陽光, 於是到snoopy world放電
哲哲話呢個好得意, 叫我幫佢影張相, 影完先發覺, 嚴禁攀爬...
記得哲哲細個有一張同一個pose的相, 忘了是哪年哪月哪日, 看著細佬覺得和哲哲細時好似樣, 有機會要搵返出黎對照下先
(細佬精力異常充沛, 不停向高難度挑戰要爬上爬落, 又要睇住哲哲, 又要顧住細佬, 沒有手拍照片了, 可愛的模樣留在腦中喇~)
「丫, 媽咪, 今日係平日黎wor, 我想去玩wii呀, 平日個哥哥應該可以試玩架」
見差不多晚飯時間, 以為四周很多人, counter應該不會開放試玩, 就算有試玩都應該大排長龍, 好快就走得, 所以很爽快的答應哲哲的要求, 到一田wii counter度打個轉. 細佬倦透了, 一上車就睡著, 去到wii counter出奇地有試玩, 仲要一個人都無! 結果...
dancing game, sport game, 就算火影忍者樣樣都玩晒, 完全無人排, 哥哥亦任由哲哲玩過夠! 細佬亦很醒目咁大昏迷左兩個鐘, 於是我就企左兩個鐘咁睇住哲哲玩...劉生! 今晚夠晒皮喇!
本來打算早吃早走, 依家卻正值晚飯最多人的時間, 處處要有排隊, 我們路經商鋪見到有pepper lunch的餐廳! 明知要等廿幾張檯有排等, 哲哲都堅決要吃, 唯有捨命陪君子, 一齊等...
等左個半鐘, 腳都斷, 終於有位了! 細佬呢個時候先醒來, 真係好彩咁遲先醒, 唔係點可以比哲哲玩到兩個鐘既wii，點可以陪我地白白咁等個半鐘既pepper lunch!
好肚餓呀! 大家都又倦又餓, 等就個半鐘, 食就唔洗半個鐘, 旋風式既晚餐諗起都搞笑~
食完飯再逛多陣玩具反斗城, 望望手錶已經十點有多了, 原來今日我們足足玩左十三個鐘, 而我除左戲院坐左兩個鐘之外, 其餘時間就是企同追逐兩位大小劉生, 怪唔得隻腳咁酸痛啦...
事後哲哲說今日好開心, 仲話下次屋企再停電就唔出街, 想試下無電既生活會係點, 咁有啟發性既活動都係留返下次有機會再試啦
沒有留言:
張貼留言