殺人於無形既超級武器

小心! 以下既超級武器殺人於無形, 威力達到十級, 一個不留心會令人心臟加速, 面紅耳熱甚至失心瘋不能自拔...

此武器愛賣萌...

有著一副天真蠢萌的皮相

時而露出欠打奸仔笑容

呢件武器非常大膽, 手揸汽球至爆破面無懼色, 仲要日光日白就咁著住條尿片露出一對白滑玉腿, 其可愛獨有的造型, 只屬超級武器擁有

除左只著片片之外, 超級武器仲會著住「過頭笠」既body, 一般人著會非常嘔心, 然而只有超級武器才有條件著body可愛得起, 令人羨慕非常

超級武器有深不見底的事業線, 迷惑所有人既視線...

仲識不經意咁賣弄腹肌, 有著天使面孔與魔鬼身材既完美化身

超級武器以一個小童專利既湯碗頭加甜美率直既笑容, 足以令對手暈晒大浪, 不戰而降

這些「超級武器」無處不在, 每家每戶總有一個. 遇上他們, 只能乖乖聽命, 甘心做一輩子奴隸, 任勞任怨