may 4
岩岩兩歲就學人入機鋪? 仲學人一手揸棍波, 一手扭軑咁巴閉?
這天落雨濕濕, 去不了公園, 又不想去什麼展館, 想起了早前太麻給了一大袋奇趣天地的遊戲代幣, 不如就這天去散貨, 免得又去睇裝修野悶親兩位少主
黃埔和油塘的奇趣天地去過很多次, 就是不覺眼有什麼機動遊戲玩, 上網check了check, 原來奇趣天地的代幣只能在西九龍中心的使用, 其餘分店都是賣精品同文具店而已
奇趣天地的兒童遊戲比起美國冒險樂園和jusco aeon的少, 不過這次我們的重點不是平常可以玩的遊戲, 而是這個可以開放比十六歲以下小朋友的機鋪
對我來說, 這些機鋪實在有太多回憶, 後生時最喜歡在銅鑼灣的「金星」打機, 邊打機邊等朋友收工食飯, 一玩就是幾個鐘. 哲哲第一次到「機鋪」, 見到有咁多平時在電腦/電話玩過既game即刻好興奮, 兜左一圈, 決定先玩這個super mario, 細佬都好投入咁玩埋一份~
玩完一鋪, 我們決定組隊對戰battle: 哲爸和哲哲一組, 我和細佬一組, 準備....開始!
齊齊坐大脾咁玩, 細佬都識扭軑避車, 好搞笑呀~
場內仲有好多街機(放心, 無麻雀), 有第二代既「metal slug」, 「機動戰士」, 「小遊戲拍拍機」, 「太鼓之達人」, 仲有小學時最鐘意玩既「1945」呀, 即刻第一時間落場玩返鋪先, 兩個代幣咋!
玩到咁上下, 轉左場去玩返小朋友既遊戲. 大路野比美國冒險樂園少, 不過bowling射籃球扑鱷魚緊有, 比較特別係呢個mini推推機. 場內有三個不同size, 最大的那個會突然跌出很多牌子可以瘋狂的入龍門, 而這個mini size非常適合細佬既高度, 唔洗抱唔洗企櫈細佬都玩得到呢~
是日還去了深水埗的玩具街「運吉」, 哲哲說原來深水埗都有野玩, 第日落雨又多一個好去處了
沒有留言:
張貼留言