【裝修】找到短租屋了!

mar 30

一月尾開始四圍托地產鋪想找短租, 一找就找了兩個月. 大行嫌無肉食唔願做, 細行手上盤較少, 但也沒有辦法了. 期間不是地點不便哲哲返放學, 就是每次傾到拍板的時候, 業主臨時反口決定用作長租

昨天還在擔心短租兩至三個月這樣難, 再找不著的話唯有租隔離村二樓的三房了 (月租$11,000, 咁近樓下垃圾房真係怕整日與小強為伴, 又要搭車同哲哲返學...), 幸運地, 今早地產經紀打來說有個短租盤剛好五月中約滿, 我們可以接住租, 地點是隔了一條街的屋苑. 雖然吉屋一間而且無得親身上去睇, 不過地點著實很近我們, 他日接送哲哲返放學也不影響, 要返屋企監察裝修進度只是幾分鐘的路程

就是這樣, 我們即時和agent簽約, 以$12,000/月租了三個月, 單位比現在住的細, 希望執屋的時候可以放得下所有紙箱過去吧

解決了短租的問題, 有地方住, 終於可以通知裝修師傅六月動工了 

p.s. 當初知道短租咁貴時, 有想過去就近的service apartment問問, 諗住價錢都要萬幾蚊不如住好d喇, 點知問過真係嚇一驚, 要二萬幾一個月...咩依家d租咁貴架