本來我對廚房的用品設備沒偏好, 平常煮的都是家常小菜, 不外乎蒸炒炆為主, 家裡的廚具是奶奶用開的, 用落也沒有不妥, 於是就一直用落去
直至上年十二月的時候, 開始了屋企大裝修的想法, 要裝修自然想換過更好既爐頭, 用更好既廚具用品. 有天無聊看論壇用家分享時, 在facebook的一個fans group入面看到有樣東西叫鑄鐵鍋. 越看用家分享, 越覺這件東西越奇怪:
煲要用油養?
煮完食物個煲用清水洗洗就可, 百潔布鋼絲刷同洗潔精係死敵?
無水蒸魚? 唔洗隔水蒸, 鋪d蔬菜o係煲底就可以蒸好成條魚??
幾千蚊一個煲, 人人買一大堆回來儲卻唔捨得拎出黎用? 咁貴買個煲返黎當藝術品擺, 不是應該好好的使用嗎?
這種鑄鐵鍋受熱平均好保溫, 煲湯鎖水效果好, 炆燉時間短而有入味鮮嫩, 可以縮短煮食時間將火喉和金錢慳下來, 而且也留保留食物既原鮮味道及營養. 加上整個鍋是鑄鐵注造, 不像易潔鑊花了表層吃下肚會影響健康, 看著看著我也心動起來. 想家人食得更好更健康, 即使吃有機新鮮的食物, 也要用物料健康無毒的廚具才叫吃得安心, 想著想著, 也開始心思思盤算一個, 哲爸也很同意值得花多一點敗個回來
鑄鐵鍋中最廣為人知的是le creuset(簡稱lc), 款式多多顏色漂亮, 深受很多煮婦追棒. 再了解一下, 才發覺同樣是鑄鐵鍋的staub比lc更專業, 炆煮煲湯效果更理想, 價錢還平一截. 相比外賣fancy的lc來說, 我更喜歡staub的平實
本來打算裝修後, 待百貨大減價/工展會才敗回來, 誰知mar 14早看到fb有人分享萬寧印花換購, 從未試過儲印花換禮品的我, 第一時間通報所有親朋好友幫我留印花, 更和哲爸到萬寧了解換印花的條件, 因為太心急等不及, 最後花了$266達成左我第一個staub啦!
$60有一個印花, 某些指定產品/萬寧牌又可以額外多一個印花, 計計數, 買了幾件女性護理用品, 幾支牙刷牙膏加少少栗子就夠數了
哲哲就最開心啦, 可以一次過貼咁多「貼紙」, 仲無神神有栗子食tim!
印花換購換完即止, 不夠半日已經有人換齊大中小煲, 所以我也不敢放鬆, 當晚和哲爸儲夠印花, 安樂晒. 不過換一個煲要成千蚊, 倒不如留到星期五等恆生enjoy dollor儲廿倍積分回贈, 咁又可以平多少少. 成個活動有成兩個月, 斷估唔會第一個星期咁快比人換晒掛...
既然未比錢, 可以襯呢個星期諗清楚想換邊一個size. 由一開始我是鎖定24cm的, 這個size對四人家庭來說較為適合, 可是萬寧24cm指定的漸變藍色我又不喜歡, 和26cm相差幾十蚊, 綠色靚咁多, 係咪應該買大好過買細呢? 不過望落26cm炆野來說又好像太大, 煲湯來說卻不夠喉
思前想後, 還是決定買24cm藍好了. 因為不知道staub是不是真的好用, 見這個價錢如此低價, 實在是個很好的入門機會, 24cm size是最適合我們家使用, 我也不想單純為了顏色的偏好而亂了本來的計畫. 要是用得好, 有需要才敗個自己喜歡的黑/灰色/茄子色吧
等了又等, 終於等到拎煲啦~
在facebook fans group看到很多所謂既「劣評與次貨」論, 嫌有小黑點, 煲邊coating脫落, 有沙粒, 油太厚字不夠特出, 煲湯有走水的問題, 不知道是我要求低還是什麼, 感恩地我的24 staub好靚仔, 什麼問題也沒有
漸變藍望望下又幾靚仔, 希望可以好好運用這個靚煲煮更多好味的食物給家人吃~
沒有留言:
張貼留言