(已經係年半前既事...orz...真係要快d 紀錄返我有笑有淚既片段先!)
dec 11, 2012
眨下眼細佬已經九個月了, 九個月既細佬越見可愛, 最近學識了拍手, 自從識左拍手之後, 出街成日見人就拍手, 好可愛; 見到濕紙巾知道係抺面的時候會自動mi眼 (因為怕細佬眼睛又生瘡, 所以一直來都不再用毛巾抺, 改為每次用純水的濕紙巾清潔)
有人發牙痕! 成日流口水, 明明食左粥但見到我地開飯仲叫晒想食, 唯有特別炮製d蒸到軟身既菜莖比細佬當牙膠咬. 細佬, 做咩你個樣咁錯愕呀?!
dec 19, 2012
人仔大左, 脾性都出晒黎, 細佬其實算係個惡人仔, 搶走佢手上既野會叫, 出街會不停講外星話, 有樣野要讚, 就係食飯好乖, 雖然無牙, 但我大口大口的餵, 細佬張口大大的吞唔含飯唔偏食, 所以一大碗粥可以十五分鐘內餵好, 認真叻仔
對細細粒既初一黎講, 呢碗粥都算幾巨...一菜一肉一魚, 天天如是, 夠晒營養, 希望快d儲肥細佬~~
學習方面, 細佬識give me five擊掌, 識byebye; 當我話「唔好」會定定望我發生咩事, 認知方面大致上都聽得明我們說什麼, 也懂比回應, 也能夠自己找東西扶住企了
dec 29, 2012
開始學講野, 成日"嗲嗲嗲嗲嗲"咁聲, 聽得人明講好多野, 我地話"唔好", "我嬲", 細佬會即刻停落黎望住我地, 知道我地話緊佢
前前前! 點解細佬你爬極都係原地, 爬極都係後波既? 哈哈
jan 1, 2013
學識自己搵野扶企起身啦, 亦學識點樣開合手咁byebye, 最近好喜歡望住人黎模仿學習, 食野方面好心急, 雖然一隻牙仔仲未有, 但餵遲少少就已經拍晒檯示意餵快d, 每次仲要好大啖好大啖咁食, 餵飯仔真係話咁快就餵完. 除左食得快, 個人仲好為食, 見我地食野又會示意想食埋一份, 見到餅最另講"mum mum"
近期好鐘意玩丟野, 最玩野就係要人執同觀察一翻; 爬就仲未識爬, 入後波, 硬係唔肯扒低向前爬
食粥食得幾開心, 餵都餵得特別開心XDDD
不過佢大佬就好唔識做, 餵飯時不停用野引細佬, 吊人地胃口又唔比人地食, 仲要細佬揀食哲哲塊餅唔吼我啖飯仔tim, 哼!
jan 7, 2013
識扶野慢慢蹲低同慢慢行幾步, 請野又叻左好多, 多左好多音: 打, 曳, 爸, mum, 丟. 成日瀲動興奮大叫 (題外話, 最近哲哲多左同朋友同學玩, 少左蝦人同爭野, 就算出街同唔識既都肯一齊玩下講下野, 叻仔! 可能係細佬黎左對哲哲慢慢既轉變呢~)
企到啦! 嘩, 人望高處, 相信細佬呢刻好明白呢個道理, 原來圍牆外既世界係咁正架XDDDD
喂喂喂, 正還正, 都唔洗伸脷要咬架...(搞到張床d木比你咬晒落肚啦)
jan 11, 2013
細佬越來越得人鐘意了! 試問一個成日笑, 唔怕人, 表情多多既bb有邊個會唔鐘意先得架? (賣花讚花香, 哈哈) 自從食左粥仔之後, 依家人奶既時間分配係先餵粥, 再埋身餵奶當甜品/飯後奶, 雖然keep住埋身, 但明顯地奶量少了...有種莫名既失落感...
jan 16, 2013
自從學識了扶野借力之後, 細佬可以慢慢咁扶住坐但, 唔再好似之前咁, 硬生生一下大大力咁撻落地坐低. 而且可以慢慢扶住黎行, 最近上完jazzy gym試堂更學識了邊坐邊爬
吃了固體之後, 細佬既脾氣好了, 可以自己同自己玩, 無以前成日喊, 不過夜晚依舊個半鐘就醒一次, 對住細佬真係又愛又恨, 簡直係天使魔鬼既化身
真係唔識點形容你, 有時你成日笑好可愛咁樣, 唔笑時就成個蠢樣, 真係越見就越覺你可愛~
jan 20, 2013
唔知餵人奶個b係咪聰明精靈d呢? 總是覺得細佬學野特別快, 最近轉身坐低爬起身呢個動作一氣呵成, 教玩入圖案既玩具教多兩次就明圓型正方型, 最近仲嘗試放開手企係度幾秒, 膽子大了, 一日到黑都搵野扶學放手企(床, bb車, 沙發, 總之見到咩就扶黎企)
手指仔都好靈活, 已經可以用前三指放野入口食, 叫佢唔可以做時會作狀打手手, 細佬見得多, 知道做d唔岩既野時, 又或者我話唔好, 曳曳, 佢會自己作狀打手示意唔做得. 同時學識bu口水之後, 咩都bu, bu水bu粥, 總之一有野放口就玩bu. 另外亦識得鍚鍚了, 叫鍚鍚時會挨個頭埋黎, 又或者張開口好似想咬人咁, 哈哈
jan 24, 2013
細佬食固體越來越好, 奶量方面已經適應了細佬既份量, 基本上隔十幾個鐘都唔會有谷奶既感覺, 餵奶時另一邊都好耐好耐無試過漏奶了, 真係...無奈咁去接受自然離乳呢個身體現象
jan 28, 2013
期待已久既小白點終於出現啦!!!
今日發現細佬下排出左兩粒白點, 唔再係無牙bb lu, 唔怪得最訓勁流口水係咁搵野搞d牙肉啦. 哎呀, 無牙時就望出牙, 到出牙時又開始掛住無牙個傻佬樣tim~
呢個無牙佬樣, 應該要到細佬七老八十先會再見得返, 依家我真係要望多兩眼先得囉~~
jan 29, 2013
新一年細佬好似有好多突破. 今日細佬學識叫爸爸同媽媽啦! 對住哲爸會叫爸爸, 對住我就叫媽媽, 真係好開心呀!
(唉, 已隔年多既回憶, 越打就越公式化, 無左初初紀錄時果種激情tim, 要勤力d捱幾晚夜努力補文!)
沒有留言:
張貼留言