上年十一月尾的時候, 奶奶找來了朋友和家姐仔義務幫我們上門度呎出圖, 因為樓宇結構有幅主力牆唔扑得, 所以整體格局無大改:
- 廳尾間多間房成為眼鏡房, 間房後廳縮細了, 而且會無自然光入屋. 雖然好唔想, 但屋細人多也唯有這樣做
- 廚房和廳中間幅牆打通成為開放式廚房, 目的想盡量擴大空間
雖然實圖還有好多細節未傾實, 但至少有幅圖才好辦事 (地磚報價, 裝修報價)
有了圖, 就要開始著手搵裝修師傅報價. 經奶奶的朋友介紹, 我們約了其中一位師傅上來報價, 師傅W在我們條村做了很多個同類型的單位, 我們也親身睇過好幾間, 手工聽說不過不失, 價錢中等合理, 同我們的管理處經過多次交涉頗熟絡, 而且知道單位結構上d「走盞位」, 不計傢私材料廚櫃全屋實用380呎約需十六萬, 當然最後埋單實不止這個數
奶奶的朋友三四個月前才幫襯過師傅W, 覺得師傅W可信, 所以也不作他選; 我們又沒有朋友有相熟的介紹, 本來打算一條心找師傅W就算, 可硬是覺得什麼都沒比較過research過就是不妥
基於這個理由, 二月中時哲爸找來以前舊公司的一位contractor - 師傅K, 信任他合作多年的班底手藝好, 信任師傅K有交帶, 上門睇過後, 因為師傅K手上還有舊公司幾個工程要做, 最快要五六月才有空檔可以幫我們裝修, 至於報價要三星期後才可以做到
輪信任, 哲爸一定傾向師傅K, 不過師傅K做慣公司工程, 比例上住宅佔三至四成, 我有點擔心, 在住宅裝修方面會否經驗不夠? 最擔心最小人的想法是...做商家的銀碼大, 師傅K同時接幾單工程, 會不會因為我們小單位銀碼不大, 會排到最後退而求其次呢?
終於早兩天收到師傅K的報價了, 同樣不計傢私材料廚櫃竟要二十二萬, 和師傅W的報價差一大截, 這個價錢實會加加減減, 恐怕最後埋單接近三十萬
老實說, 這個價真的有點out bugdet, 施工期更需要三個月完成, 看來, 我們要死了條心, 落實師傅W準備五月開工
沒有留言:
張貼留言