這個超市認真不得了, 收銀台的八達通機做得像真的一樣, 連過機scan bar code都做得很真, 要說令這個收銀台生活感加分的就是BYOB的poster. 收銀機也不是假的, 入面有散紙有紙幣找續的啊
「有試食, 有試食!」
細佬炒麵炒得好開心啊, 平時煮飯的時候, 細佬已經好好奇成日手多多搞我d鑊鏟, 依家有得玩, 開心到不得了. 旁邊一份份pack好的「食物」, 看到貼上的bar code及數字嗎? 是學生們自己一筆一筆畫的
呢個肉檔真係掂呀, 我比一百分老師們! 吊勾上的豬肉, 唔好以為得個樣字, 真係可以隨意拎黎落, 掛上去, 最令我佩服既係舊豬肉上色得很像真, 老師也不馬虎, 連肥豬肉白色筋的紋理都製作埋, 好鬼似呀~~
今次主題不單止老師, 同學們也有份參與, 超市用品都有賴同學們將家中用完需要棄置的帶回學校當道具用, 所以先咁成功呢
現在每天早上回校, 細佬都急不及待落車樣樣都要玩, 樣樣模下過足癮, 反之哲哲興趣不大, 可能呢d咁生活化既事物天天都做, 情願到科學區電腦區玩. 昨天哲哲有分區活動, 哲哲揀了做豬肉檔, 放學的時候我問哲哲有沒有什麼趣事發生, 點知哲哲大呼無癮:
「我問d同學買幾多錢豬肉, 佢地都唔識答喎; 我問佢地d豬肉要半肥瘦定瘦肉, 洗唔洗攪碎定切片, 佢地又唔明我講乜」
「哈哈, 豬肉佬哲哲好專業呀, 唔係咁多小朋友會識呢d小知識嘛, 你係因為跟住媽媽買餸見慣見熟先知道姐. 咁除左做豬肉檔, 有無試下做其他角色呀? 做收銀唔好咩? 可以比你過機scan野喎」(因為哲哲很喜歡到圖書館自助借書, 為的就是scan bar code的那刻)
「我緊係唔做收銀喇, d同學個個買完野個個都唔比錢就走, 都無野做唔好玩既」
嘩卡卡卡, 真係比哲哲既言論笑死, 不過從哲哲的談話中, 知道平常跟住我出入街市超市, 所學到既真的不少呢, 如此認真地玩遊戲, 睇怕你都係班上的第一人囉~
沒有留言:
張貼留言