產品試用: Electrolux全新第五代Ergorapido二合一無線吸塵機 (上)

上星期好興奮的收到Electrolux伊萊克斯既邀請, 出席全新第五代Ergorapido二合一無線吸塵機既發佈會及產品試用

最近家裡大裝修, 即將要添置不少新的家電, 稍為網上搜尋一下都已經知道Electrolux的大名, 現在可以率先試用, 想也不想就答應了

去到showroom, Electrolux好貼心的為我們準備了小點, 哲哲見到有野食, 毫不客氣款款都食落肚. 喂喂, 雖然話一陣要吸塵姐, 但都唔洗咁快幫我地製造餅碎朱古力碎先得架...

登登登櫈! 大會主持人Grace姐姐拎出主角 - Ergorapido真身真係好靚仔, 紅色流線型又好輕巧, 哲哲第一時間話好似紅色跑車法拉利~

相信很多人都知道, Electrolux伊萊克斯為全球商用及家用電器的領導品牌, 在全球累積銷售超過3億5千萬部吸塵機. 今日所介紹既第五代Ergorapido二合一無線吸塵機更榮獲多個國際獎項, 包括2014 RED DOT Design Award及IF Product Design Award, 此產品簡單安全及方便易用, 小朋友亦可輕鬆使用幫忙吸塵清潔

Grace姐姐介紹完主要function, 一人一部「跑車」開動啦!

吸呀...吸, 個個都好認真咁吸, 哲哲一路「嗚嗚」聲咁當正自己係跑車, 係咁急轉彎地吸塵. 第五代Erogorapido有180度靈活扒頭, 任哲哲點轉彎飄移扭軑, 都吸得咁暢順

哲哲見鋪面既塵已經被其他小朋友吸得七七八八, 轉為向檯底入手, 有部輕巧無線既Ergorapido, 又捐又踎都唔輪盡~

Ergorapido既可直立, 亦可以在機身分拆出作手提吸塵機用. 特別吸到d窿窿罅罅位, 可以拆出黎配上跟機附送既窄縫吸嘴及毛刷使用, 小朋友都可以輕易咁幫手將屋企每個角落清潔得乾乾淨淨

襯哲哲食補給品, 等我都拎上手試下吸. 部吸塵機咁有型, 即時覺得自己吸塵都吸得有氣質過人XDDD

全新自立功能令吸塵途中要聽電話或者煲滾水要熄火行開行埋既時候, 可以唔洗「嗶啪」咁跌落地, 更加唔洗返黎要烏低身再執返起, 好醒目既設計耶~

平時細佬最鐘意同哲哲爭住吸塵. 訓醒覺, 細佬見到有新野玩, 第一時間加入戰團!

細細粒既細佬拎住部Ergorapido一樣吸得好靈活, 吸地毯都無話啜住好吃力, 仲識襟著個扒頭LED燈黎吸塵, 去到暗既角落位都唔怕睇唔清楚啦!

一人一部, 哲哲同細佬直頭當賽車咁玩, 四圍搵野吸, 好在Ergorapido既無線設計, 完全無需要擔心條電線唔夠長或者吸塵途中纏住其他雜物電線, 可以自由靈活咁清潔任何角落

除左無線吸塵外, 最吸引我就係呢個「剪頭髮」-BRC簡易滾軸清潔設計. 屋企無咩多, 就係頭髮多, 每日見到屋企地下既頭髮, 每次吸都一堆頭髮纏住個吸嘴, 下下要用手去清潔, 好唔衛生. BRC設計只需要踩住扒頭個制五下, 大約五秒即可輕鬆剪斷頭髮, 一路剪一路直接將d頭髮吸入塵袋, 衛生又方便

咁多貼心既設計, 唔怪得Ergorapido榮獲2014年Red Dot Design Award - Best of the Best 德國紅點設計﹝最佳設計﹞大獎啦!

講到咁強勁, 究竟返到屋企係咪都咁勁呢? 我地屋企係非一般的多塵, 而且仲滿佈地雷陣(有頭髮、有指甲碎、擦膠碎同麵包碎, 仲時不時見到d細細粒lego四散tim!) 係咪真係可以避開晒d lego粒粒之餘又吸得乾乾淨淨呢? 好想快d返屋企試下!

多謝Electrolux! 可以率先試用全新設計既Ergorapido, 返屋企要試真d, 用多d先得!