may 29
由一個月一次, 變兩個月, 跟住係三個月再到五個月一次, 前後總共上了五六堂, 見哲哲的進步不大, 都有預感今堂會是最後一堂, 如同細佬之前見兒科同營養科一樣, 始終政府既服務都是有限期的
哲哲的問題在於發「g」同「k」音, 喉嚨同舌頭唔識得向後壓低, 即使用雪條棍幫手也會讀錯其他音. 有時叫哲哲慢慢讀, 張大口讀, 十次有兩三次會疑似讀岩, 但更多時是完全發唔出正確既音
叫哲哲望清楚個口型, 聽清楚個發音, 重覆讀多幾次, 但哲哲根本就聽唔出自己有咩錯, 進度同大半年前初見治療師一樣, 沒什麼進展
治療師說哲哲快將升讀小學, 可以幫我們寫信, 好讓日後在學校排期申請言語治療服務, 在我看治療師覺得哲哲進度緩慢, 需要騰空位子給其他正在排期的學童吧
哲哲頗喜歡這位治療師, 平常就算不練發音, 也肯和治療師傾閒計, 希望日後哲哲會遇到好的治療師吧
沒有留言:
張貼留言