【裝修】樓上廚廁漏水。準備砌牆 (day 9)

jun 6

幾日紅日後, 一早就收到裝修師傅電話, 廁所同廚房更花又滲水, 今日上返舊屋度睇下咩情況

師傅話呢個位滲水, 估計係樓上去水位積水後慢慢滲漏到我們單位

明顯睇到滲水滴到下面塊木板有水漬

廚房滲漏情況沒廁所般嚴重, 但明顯看到天花濕到變了兩截色

新年果次管業處回覆樓上已經移好返條洗衣機去水喉, 以為隔左咁耐都無再滲已經整返好, 點知依家裝修又再滲, 之前見爛屋都就快裝修就由得佢, 依家又再漏, 萬一裝修好新淨又靚時比佢搞到又茸又爛點算?

忍無可忍, 今鋪一定要狠心通報食環署, 管業處成日都搵唔到業主, 一係就話業主又唔係香港入唔到屋, 處於咁被動既位置, 睇怕樓上都無心正視問題, 唯有問問保險公司claim家居保險, 睇下有無得先維修後將單再claim返樓上

樓上漏水, 師傅本來要扑呢道牆, 為怕影響食環處職員上到黎有藉口賴我地郁左幅牆而引起漏水, 這個星期被迫停工, 直至下星期負責既幫辦到來才再作打算

因為我和哲爸還未傾實好全屋電制位, 這段時間師傅唯有做住廚房電制位先, 基本上廚櫃已經傾得七七八八, 只差鋪埋磚上門度埋實尺就可以趕工了

另外也重新定實門框同房間的大小分配. 本來還期望主人房會大了, 自師傅度到尺寸有出入之後, 發現空間小得可憐, 唯有向大廳和廁所開刀向入縮

唉, 房間真的好細好細, 那些磚mark落位後, 入到去親身感受到小得令人無心機, 過多兩日師傅砌好牆, 就落落實實的變成姐姐房了