半年前在朋友的fb看到ywca有個大澳文化生態綜合資源中心舉辦體驗活動, 數數手指已經有四五年沒有到過大澳, 正好襯這次的機會, 打算待天氣涼一點的時候和朋友們結伴一起去
這個活動申請很簡單, 首先向大澳文化生態綜合資源中心入紙申請日期時間, 成功報名後有一系列既體驗活動可以揀選擇 (連結在此: http://cerc.ywca.org.hk/intro01.asp), 每項活動每人頭收取$40費用
最後我們分了兩組, 分別參加了豆腐花製作及生曬咸蛋, 考慮到想多點時間在大澳四處遊覽, 所以只選擇了一兩項活動
我們一行人包車入大澳, 是日有團友生日, 在旅遊車同碼頭旁慶生, 夠晒難忘熱鬧喇掛XDDD
切過蛋糕後就分道揚鑣, 職員帶我們先進行生曬咸蛋
行到一個好有風味既棚屋, 安頓好後, 就開始進行活動了
職員正在講解曬咸蛋的過程, 小朋友都好專心, 因為之後要佢地落手落腳做, 做得唔好蛋黃就會穿左喇
以往哲哲對於這些手作仔不感興趣, 做上來粗手粗腳, 這天又發現他長大了一點點, 手勢很好, 沒有笨手笨腳, 做得很細心啊. 竣竣一開始時唔小心弄穿了蛋黃, 後來慢慢就掌握了技巧, 很認真的將蛋白蛋黃分隔開呢~
全都是小朋友一手一腳做的, 大澳既鴨蛋又大又黃又脹卜卜, 基於時間關係, 這一盤新鮮鴨蛋留待職員之後曬太陽, 而職員會給每位小朋友兩隻已經曬乾左既鴨蛋拎返屋企煮黎食~
活動大約四十五分鐘就完, 兩兄弟都話好好玩, 咁就好喇, 日後屋企整蛋糕時留比你兩個幫我分蛋XDDD
與此同時, 另一班朋友參加了豆腐花製作坊, 本來好期待個活動, 可惜鬧出不快事件, 詳情不多說, 反正投訴過後得到合理回應就是了
活動完結, 開始我地大澳美食之旅. 第一站在大街有隱世茶姑賣茶果, 暖暖的, 軟綿綿, 內裡的花生茸超多, 好味到食完一轉之後, 離開時再買多幾個上車吃呢~
隔離有麥芽糖餅賣, 竣竣好肉緊望實哲哲, 不停問: 幾時到我食呀?!
繼續食! 第三站食滑滑豆腐花, 真係又香又滑, 一人一碗唔洗爭XDDD
成個桌球咁大粒既魚強你食過未?!
仲有熱辣辣好彈口既墨魚, 真係好好食, 一個人食成碗會太滯, 同朋友一齊分享最perfect~
兩兄弟雖然人仔細細, 但口味都好大叔, 鐘意臘腸蝦乾之類, 哲哲見人拎d蝦乾試食, 於是又放入口試味猛話好吃, 好喇, 買包返屋企試下先
大澳有好多鋪貓/流浪貓, 竣竣話呢隻鋪貓好似紅豆, 要同佢影相, 又真係好樣, 話唔定係豆豆既哎哋親戚黎~~
大澳有好多特色既面貌, 有d 民居既鐵皮屋/水上木屋, 兩兄弟都很感興趣, 好想走入去望下, 不過咁樣唔係幾有禮貌所以阻止左, 雖然我都好好奇屋入面係點......
有伴一起就是開心, 睇返d合照真係好好笑
黎到大澳緊係要去勝利香蝦廠買蝦膏, 一磚磚既蝦膏放曬出黎, 幾有排場
襯太陽就落山, 我地坐觀光船出海睇中華白海豚, 同船家講價, $200任包, 人多既話包船一定平過每位比錢
講真, 港珠澳大橋既工程嚴重破海中既生態環境, 坐船出海都唔預睇到白海豚, 不過可以近距離欣賞到有香港威尼斯之稱既大澳水鄉, 有另一翻體驗. 可惜小朋友明顯唔係咁諗, 一心坐船出海睇白海豚, 落船時覺得好失望
時候不早了, 把握時間看看夕陽, 拍拍照
好喜歡的一張合照~
預約好的旅遊車快到, 走前拍張大合照, 數數手指, 真係唔講得笑, 竟然有五十一個人, 真係人強馬壯, 一呼百應
沒有留言:
張貼留言