又考帶了, 這次升紅帶離上次藍紅帶只有半年時間, 起初都奇怪這麼短時間又考一次, 後來才知道袁sir搞錯了, 本應是三月考才對, 不過既然報了名, 袁sir叫哲哲加緊練習耍套拳時的力度, 應該都無大問題
越學得久, 所花的心機與練習時間也會越多, 來到中高級的色帶, 能夠認真且堅持學落去既學員越來越少, 大家都很認真的聽袁sir教導及訓話
第一part要考的是操套拳. 所有學員分開數組試考, 哲哲在這part做得非常好, 拳法操得很純熟, 不需要望其他人, 方向位置也沒有錯
爆板看得很驚險! 腳爆當然沒問題, 不過手爆是第一次, 每人有三次機會, 三次都爆唔成考帶就fail, 要三月補考了. 眼見好多學員三次都爆唔成, 真係鄧哲哲一額汗, 幸好, 哲哲最後一刻都爆板成功, 好叻仔!
考完不同的環節, 來到最後的搏擊, 哲哲著甲的時候好man, 好有型丫~~
哲哲今次被安排同個女孩子對打, 在高度和身型體重上已經輸蝕. 輸人唔輸陣, 哲哲你要加油, 還到手就當贏!
一開始對手好強勁, 力量大到一腳就伸左哲哲埋檯, 見到哲哲個樣都有點失方寸, 不過哲哲並無退縮, 呢下之後, 哲哲已經摸清對手路數, 開始還擊!
表面看哲哲好似被人牽制住, 問返哲哲當時情況係點, 哲哲話佢其實係有部署的:
首先試探對方既招式同力量, 知道自己同對方力量有差距時, 對方出手盡量擋同避, 對手想攻擊時就近身痴埋去拖延時間等對方無得起腳, 然後襯機會才起腳擊中要害. 見到哲哲無被對方一腳伸出場外而嚇倒, 反而識冷靜分析, 睇準時間攻擊, 心態非常好, 值得稱讚
當所有項目都完成, 袁sir開始訓話同點名頒發最佳學員表現獎. 呢個時候仲諗住收相機執裝甲準備走人時, 突然袁sir叫出哲哲個名, 真係好驚喜! 要知道同場有一個次次比賽/考試都拎最佳表現獎既師兄弟, 萬萬都諗唔到, 今次個獎竟然換上哲哲的名字. 我地三個都好錯愕不懂反應
袁sir表揚哲哲的努力有目共睹, 今次係一個鼓勵, 唔洗再喊住話訓練好辛苦, 搏擊一環能夠運用並施展到藍紅帶所學到的招式技巧(side kick back kick等等), 而不是像對手只識初學者既單踢同唔識擋, 同埋套拳操得很流暢, 沒有猶豫同錯誤
另一個同門師兄弟都一樣有獎, 呢三年身邊一個一個既師兄弟都走了, 睇到佢兩個互相扶持, 一齊考試, 一齊參賽, 頒獎完畢後哲哲識第一時間走去祝賀師兄弟, 呢樣先最令我感動
心知哲哲未係最優秀既學員, 但見住哲哲一次比一次進步, 今次既獎勵對哲哲來說很重要, 可以令佢明白努力付出, 別人是會感受到, 帶著這份肯定及喜悅, 相信哲哲會更認真更努力的
沒有留言:
張貼留言