之前應承了哲哲考試期間好好溫書, word hard之後就是play hard, 這天早起的鳥兒有士多啤梨吃. 前年得知粉嶺有個阿方士多啤梨場, 沒有收入場費, 可以看過士多啤梨收成情況才決定要不要摘. 這天捉埋朋友仔陪我作先頭部隊, 看看是否值得拉大隊來一次
地點就在雲泉仙館側, 這天我們一早出發, 來到的時候不到十時, 四處都沒有人
繞過雲泉仙館, 走到最後有兩個場, 我們進入了阿方士多啤梨場, 四兄弟一人手執一籃, 然後就落場開始摘囉~
四隻小鬼一落場已經急不及待見士多啤梨就剪. 前排的士多啤梨不算多, 明顯地已有一批人剪過了, 餘下零零星星的士多啤梨, 不過都算紅同幾完整, 相比起兩年前去過的錦田, 這裡比錦田好太多, 這個程度已經可以接受了
看到前排的有膠布遮住嗎? 應該底下有些士多啤梨bb還在生長, 留待下一批收成呢
呢個時候大家千祈唔好心急, 因為越好的東西越在後頭, 我們走到後一點的位置, 那裡的士多啤梨更紅更大粒, 兩兄弟由一開始見到乜都剪, 到現在會逐粒比較下, 鬥大粒先剪下來
隻傻豬真係好開心, 教完佢慢慢檢查粒士多啤梨後, 真係好認真咁每粒細心觀察過才剪下來
真係好多士多啤梨丫~~
成個場都無人, 可以慢慢揀, 慢慢剪~~
密密麻麻的士多啤梨散發著誘人既香氣, 真係好香, 聞到都想即刻食
勤勞的男工們, 酬勞就是一籃士多啤梨XDDD
正當我們沉醉於這邊的時候, 原來在另一邊的更更大粒, 更更鮮紅, 天啊, 結果忍不了手又繼續剪多幾粒, 完全唔洗逐粒揀, 是但落手都是大大粒的
係咪隔住個電腦都聞到香味呢? XDDD
摘夠就上磅, 大家既收穫都唔錯喎!
最後兩兄弟各自都摘了一磅多少少, 阿方收取每磅$68, 是合理的價錢. 吃落不算超級甜, 是正常士多啤梨的酸酸甜甜, 非常多汁脹卜卜, 兩兄弟非常喜歡, 當晚將總共兩磅多的士多啤梨吃掉, 百七銀話咁快就食晒落肚lu
來到這裡小朋友們一定會瘋狂的摘, 父母們好好準備銀紙吧XDDD
離開士多啤梨場, 我們到隔壁的雲泉仙館吃清心齋
四餸一湯, 白飯/白粥任裝
開飯囉~
好強烈的對比XDDD 哲哲喜歡吃肉, 平常不多吃菜, 原以為哲哲對齋無興趣, 點知又肯食幾啖. 齋菜的味道好素淡, 沒有調味, 猴頭菇湯好猴頭菇加水既感覺, 太原味哲爸不是太習慣, 其餘的餸菜正常
吃飽齋菜, 我們四圍欣賞雲泉仙館的花卉美景
四兄弟好誠心咁祈求來年聰明d讀書叻...一起身竣竣就問:
「媽咪, 我依家係咪變聰明左架喇?」
「係丫, 係丫, 好聰明丫你XDDD」
兩兄弟對傳統習俗既禮節感到新奇, 試完一次又一次, 見到佢地就想起小時的我也是這般跟著婆婆入廟拜神, 好掛念婆婆啊...
長生池有烏龜同錦鯉睇, 烏龜動也不動, 我們一度懷疑是石像還是真龜XDDD
好漂亮的白菊~
輕鬆悠閒了半天, 身心都煥然一新, 這裡真的是好地方, 來年冬天一定要再來
p.s. 建議想摘士多啤梨的朋友們早點出發, 那天我們離開果園的時候大約十一時多, 開始陸續多人入園, 為免比人摘光, 還是早點來好
齋菜館不需預約, 不想人多要等位, 可以早點來或者來到的時候問一下售票處的安排
沒有留言:
張貼留言