feb 18 [36w0d]
臨生前想和joyce selene聚一聚, joyce提議下午茶來個輕食 - 泡咖啡整曲奇餅, 製作簡單哲哲有得參與, 而我地又可以傾下計, 有得食有得玩我同哲哲緊係開心啦~
原以為杜瀾提議得整曲奇應該是整過無問題, 十拿九穩, 原來joyce同杜瀾都係第一次整曲奇, 一開始時有好多蝦碌場面, 不過見慣世面有返幾下省手既大廚杜瀾果然有返咁上下底子, 話咁快已經漸入佳景了
邊說笑邊認真製作步入最後階段, 哲哲亦認真上來將曲奇鋪上滿滿的朱古力同杏仁碎, 放入預熱左既焗爐, 好緊張...唔知我地既曲奇成唔成功呢?
一路焗一路滿室芳香, 登登登櫈! 曲奇終於焗到金黃色, 又脆又香, 好成功呀!!! 今次杜瀾唔整九大簋整曲奇一樣咁掂, 果一刻真係覺得識著d鐘意煮又煮得叻既朋友係好幸福既一件事, 呵呵呵
杜瀾將新一批曲奇再改良, 第二批的曲奇更香口, 泡好咖啡, 我地唔客氣啦~~
joyce同selene是少數見證過我陀哲哲的朋友 (果樣子太醜, 無心機出街見朋友), 她們異口同聲都話今次我個樣比上次陀得靚, 無上次咁走晒樣咁浮腫, 好開心呢~
又食又拎, 輕輕鬆鬆渡過一個愉快的周未, 又要說聲: joyce & 杜瀾, 謝謝款待, 下次帶埋初一黎踩場啦~~~
沒有留言:
張貼留言