aug 14
和朋友一次閒談, 令哲哲有機會做model影相上報了!
最近時不時有不認識的人走來和我說「你個仔好靚仔喎, 個樣仲好似你tim」. 擁有鳳眼, 一排又粗又黑的眼睫毛, 紅dodo的嘴唇以及包包面的哲哲, 自然的時候確實無比可愛迷人, 只是哲哲古靈精怪, 笑上來不甚自然, 所以一般人才覺得「靚仔」不是形容哲哲吧
大概是阿冧姨姨獨具慧眼, 給哲哲一個機會替東方日報的親子版拍攝來季的冬裝及兒童傢俱, 雖然不是想做星媽, 但這確是個千載難逢的機會, 於是一口應承了. 阿冧姨姨想找另外兩位朋友仔一起有伴拍攝, 想起了pose無敵的小美女hazel和哲哲的好朋友思賢實是不二之選, 夾好時間地點, 齊齊上旅遊巴出發囉~
是日sara有事忙不能請假, 於是ben gor化身星爸上陣照顧hazel; 而哲哲也有哲爸off半日倍伴左右, 好大陣仗啊!
「Hazel, 我介紹比你識, 呢個係我個仔, 佢叫白豆~」
去到拍攝現場, 小朋友們先熱下身先. 為了拍攝順利唔好累到阿冧交唔到稿, 於是破例比哲哲帶埋白豆一齊工作. 呢一日hazel都一樣, 有隻公仔陪伴, 兩個小朋友一見如故, 互相拎個公仔出黎social一下
等待既時候, 女孩子有女孩子既玩意, 男孩子們就無所事事, 而bb們就更傻更更的等哥哥們收工~
阿冧來了, 和攝影師set好所有拍攝燈光之後, 先是為其中一家賣兒童傢俱的拍攝最新傢俱, 呢個時候哲哲突然怕生保, 扭起計上黎唔肯影相. 同時細佬亦扭肚餓要食奶, 場面一時非常混亂, 唯有skip左呢part比hazel同思賢先拍
幸好此時哲爸來了, 我和細佬去餵奶室吃奶, 不知道哲爸用了什麼神奇的魔法, 竟令哲哲乖乖聽話投入拍攝工作呢?
影完傢俱, 去到另外兩間賣童裝的. 這次小朋友們要拍最新的冬季服裝, 說實話, 這家英式的公主王子look和哲哲不是太配襯, 還是浪子型仔路線的較適合哲哲
憂鬱眼神再加浪子pose, 真係暈了 (佢阿媽我!)
所有更換服裝及引哲哲投入的工作交了給哲爸, 哲爸和ben明顯地很勝任亦很enjoy這份工作, 睇下鏡頭背後, 兩位星爸出盡法寶, 手執小朋友既寶貝命根去引佢地笑, 真係辛苦晒~ (因為我去左餵奶, 所以哲爸沒能影到太多相給我看啊)
一聲「拍攝完畢」就完工了. 魔法背後, 原來係有零食令小朋友們乖乖影相, 黎張大合照黎留念先~
事後, 哲哲體會到「工作」原來一點都不容易, 看似是換靚衫玩住影相, 其實同時也要做到攝影師的要求, 工作完成了才可以去玩, 也明白到哲爸返工也是同出一徹. 這次的經驗可以比哲哲了解到工作是什麼一回事, 又可以換靚衫上報留念, 確是一個很好的體會
等了又等, 兩星期後, 終於收到阿冧的msg: 報導會於九月一日刊登於親子版. 這天一起身就即刻飛落街買份報紙, 而哲哲也很期待及好奇, 究竟在報紙上看到自己是怎麼一回事...
「媽咪, 你睇下, 依個係我黎架, 你睇下我做左明星呀」
「嘻嘻, 你係model黎, 仲未係明星呀~」
「甘我影得靚唔靚? 下次冧姨姨再請我影相, 我就做明星架啦, 到時電視同巴士上面都會見到我架啦」
雖然影既相多, 登出黎既少, 不過看到哲哲在報紙上出現確實幾得意, 呢份報紙要好好收藏留念, 最驚喜的, 是搞鬼阿冧在報紙上登哲哲個名時...
RMKH = ricky maggie kyros haynes, 是我們一家的縮寫, 一句戲言阿冧竟然當真做給我們驚喜, 遲d真係有人想搵呢間RMKH model agency既哲哲影相都唔知點搞, 哈哈哈
沒有留言:
張貼留言