aug 29
去完legoland玩到散晒, 計畫好去newtown food centre找平靚正食, 點知包車司機車到去入口前, 明明熱鬧既夜市竟然漆黑一片, 沒半點燈火開鋪的跡象, 就好似有日花園街完全無晒人影死城咁, 連司機都好奇從未見過這個情況
極度失望之下, 唯有叫司機放低我們最近的MRT. 打開地圖, 想起昨晚想吃串燒沒吃成, 不如就現在去吧
搭了三日車, 發覺哲哲無ez-link卡好唔方便, 而且單次買票價錢比用卡的貴, 計過往後幾天也會經常搭車, 所以在MRT出了一張小童卡比哲哲
MRT後上到地面, 老巴剎很易找, 遠遠就看見有明燈, 今次有飯食喇掛...
搵好位, 開始覺得奇怪. 又話好多食店好多食客既, 點解咁多鋪都無開, 而且坐唔滿人呢? 果時以為可能開始夜, 所以某d食店賣光就關門, 後來哲爸在某處看到貼出來的通告, 原來明天老巴剎進行翻新工程, 即將關閉, 或許如此好多食店提早關門準備吧
嘩! 咁我地真係好好彩, 如果唔係往後幾日一場黎到摸門釘有夠失望了...
我們分頭行事, 四處搜羅各國美食. 熟食檔外有條沙嗲街, 傍晚開始畫分為行人專用區, 所有串燒檔擺晒出黎, 成條街坐滿一檯檯人, 好熱鬧 (可惜竟然無影到相!)
這檔老闆好識做, 可能見我地係香港人, 不停的拿著印有中文字既旅遊書同雜誌介紹給我們, 眼看這檔的串燒即叫即做, 價錢同其他檔差不多, 一於試試
嘩, 好火喉, 炭香味我鐘意丫~~
師傅密密手咁燒法, 一晚真係唔知燒幾多串, 睇住d火咁大隻手不停翻弄, 我懷疑師傅隻手無手毛...
食得啦! 串燒有幾款套餐的, 串數同肉是有分別, 我們點了這set SG38有十五串雞, 十五串牛同十串蝦. 檔主好細心, 蝦串已去殼, 食落啖啖肉; 牛同雞肉又唔乾, 點埋個沙嗲醬真係好惹味, 必食!
轉個頭奶奶叫了好多包點, 心裡第一句:「唔係嘛, 叫咁多滯肚既包點仲洗食其他野既? 大大個生煎包, 又窩貼又蔥油餅又水餃麵, 唉...」
原本仲想叫之前食唔到既胡椒蟹, 結果都無食到, 明知食唔晒亦任性地叫個新加坡有名既麥片蝦. 麥片蝦即係將牛油, 麥片同蝦仁炒香, 口感好特別, 味道唔知點形容但幾好食, 送酒一流!
(包點SG12, 印度雞飯SG6, 燒雞翼SG4.5, 麥片蝦SG18)
食飽飽之後, 見門口有巴士可以返回house, 於是試下搭巴士回家
新加坡的巴士和香港相約, 上車先拍卡, 落車再拍卡才自動扣錢. 第一次坐新加坡的巴士, 哲哲好開心話坐得好舒服, 不過好奇怪, 新加坡站與站之間好短, 我們由老巴剎回house竟然要搭廿多個站, 聽到都嚇一跳
玩左成日, 因為未試過坐巴士睇風景, 幾倦都好, 哲哲目不轉睛的睇風景, 大約坐左四十分鐘落車, 返到house lu, 又要快手梳洗上床訓覺, 因為聽日一早要入sentosa, 終於有酒店床訓可以跳跳跳啦~~
沒有留言:
張貼留言