(最近晚上在追「walking dead」, 睇到都沒時間寫blog了, 為免爛尾, 還是快快寫吧)
aug 31
要說最後悔的, 就是花時間花錢去玩這個adventure cove waterpark了!
一開始我們是真的沒打算玩這個adventure cove waterpark, 一來價錢貴(兩大一細SG89), 二來入面既玩意確實不太適合哲哲, 丟低哲哲同細佬我同哲爸去玩的話我們又不想
這早port of lost wonder因為泳池出「大事」要清場消毒, 我們被迫提早離開, 萌起了「貴就貴, 但一場來到不如都試埋這個水上探險樂園吧」的念頭, 可這個念頭真的是太錯了...
買了飛入場, 發覺隨行物品不能跟身, 於是要放電子locker, 盛惠SG10...一點都不便宜, 而且這個電子locker非常低能, 運作非常不便, 非常花時間. 搞了一大輪終於安全的lock好隨行用品, 餘下的時間不多, 於是入場內看看有什麼好玩的
也許是暑假又是假日, 到處人山人海, 個個玩樂設施排的人龍長到不得了, 牌上寫住需時60-75分鐘不等, 一見到咁即時知道中伏, 唉...
由隊尾排到前排, 足足企左兩個鐘, 又熱又曬又倦又口渴, 真係離晒大譜!
排到上黎見到d工作人員既處事態度就更火! 話說這個玩的是二人一組, 坐這架爛鬼橡皮艇, 慢慢呆上去, 到頂的時候就九曲十三彎的sir落黎, 其實真係一項好簡單又快既一樣野玩, 但點解要等兩個鐘? 因為:
- d爛鬼橡皮艇得兩架, 眼見咁多人都唔多幾架出黎疏通人流 (後來有架穿左先從倉度拎多架出黎, 但我見到倉度明明有好多囉!)
- 一開波果條斜路為咩要較到咁...慢?! 慢到離晒大譜, 有風景睇咩? 又無喎, 咁整到咁慢又唔放多幾架艇做咩呢? 完全就係相中所見, 兩架艇上左去之後, 其實仲可以放多兩架在後面跟住上, 爽d黎密d手, 但無囉...
- d橡皮艇好流, 流到玩幾轉就要人手踩腳踏咁泵返漲
- 中途發生事故, 有架艇在隧道中塞左, 唔上唔落, 搞左廿分鐘但完全無廣播通知排隊既人, 人人都傻更更唔知咩事何解條龍郁都無郁過
排就排兩粒鐘, 落黎就唔洗兩分鐘, 真係嬲嬲地囉
度度都要排, 唯有分頭行事, 在有限時間玩更多既野. 在我排隊同時, 哲爸同哲哲去左玩水泡...
一個好無聊既水泡飄流...
在哲爸接力排隊的時候, 近近地同哲哲玩隔離果個人造浪...一d都唔好玩, 只係行唔開咁遠, 無野玩之下得呢樣唔洗排唔洗等...
食之無味, 棄之可惜, 比左錢入場度度都要等咁耐, 真係好想即走唔想再排, 但走左又覺得好唔抵, 最後基於時間關係, 我們還是走了, 走前玩左一陣這個海盜船(又令我地諗起剛才SG15既port of lost wonder更好玩, 而且更便宜, 真係揼心口...)
我和哲爸帶著無比失望既心情離開, 哲哲不知內情, 見有得玩已經很滿足, 係既...去旅行不如意的多的是, 唯有向好處想, 有得三人世界比哲哲獨享我和哲爸, 哲哲已經很開心了
回程路上又發生了黑事件! 腳上的人字拖斷了, 哲爸二話不說, 將自己的人字拖給我穿, 而佢就手執我對爛鞋, 在五星酒店中赤住腳咁行返酒店, 好型呀~~~ 哲爸, 埃屎你~~~
沒有留言:
張貼留言