aug 30
今日重點行程, 就係去vivo city既build a bear自製一隻屬於自己既熊公仔
之前無意中上網看到這間build a bear, 就決定點都要黎朝聖, 正所謂唔買都睇下嘛~
地點很易找, 頂層搭sentosa express對面有個商場, 入了商埸搭客lift落一層到二樓, 無記錯是一出lift走出大堂就會見到
顧名思義, build a bear當然是主力整熊仔賣熊仔, 但店入面還有其他公仔如狗仔兔仔米奇老鼠之類, 價錢由SG29.9到SG3-4x不等
諗住叫哲哲睇下整邊隻公仔, 轉個頭兩隻馬餾一人拖一隻咁四圍走, 好興奮咁喎...
左揀右揀, 哲哲揀了一隻黑蚊蚊很深沉的迷彩熊 (SG29.9, 哎呀, 眨左眼tim), 其實我唔係咁鐘意隻熊, 硬係覺得黑蚊蚊一d都唔得意, 不過哲哲確實很喜歡, 哲爸也說迷彩很特別, 別的熊仔鋪頭不多見, 既然是哲哲自己揀既, 就由佢啦
拎起層熊皮去到「hear me」counter, sound box入面有好多唔同聲音, 可以選擇公仔叫聲, 可以選擇祝福語, 又或者歌仔都得. 因為實在太怕揀左加入熊仔度哲哲會日襟夜襟嘈死人, 所以無額外加錢整
第三個步驟就係「stuff me」啦! 職員姐姐會塞隻熊仔入個喇叭度, 叫哲哲用腳踩個踏板, 一路踩機入面既棉花會擠入隻熊仔度, 完全可以自己控制隻熊有幾脹就幾脹, 鐘意隻手肥d又得, 鐘意個身扁d又得~
塞到咁上下, 職員姐姐比哲哲試下攬一下, 睇下夠唔夠棉花
「唔...我覺得個肚唔夠脹, 想淨係個肚再脹卜卜d」
嘩, 原來哲哲鐘意大肚腩既迷彩熊, 哈哈, 都好既, 職員姐姐話手洗之後棉花會縮一縮同無咁實, 再塞脹d可以襟洗d, 於是哲哲又再踩腳踏塞呀...塞! (其實我懷疑哲哲只係貪玩想踩腳踏姐~)
跟住就「stitch me」啦. 呢個環節好得意, 哲哲揀左個心心之後, 職員姐姐會教哲哲唸一連串既咒語並且向熊仔施法
職員姐姐講一句, 哲哲又跟住讀一句, 又要熊仔聽自己話, 又要熊仔個心向住自己, 最後放埋個心入熊仔度, 突然覺得好似上帝咁賜予熊仔生命呢~
圖中職員姐姐正在將熊仔埋口, 三兩下手熊仔背後條線就縫密了, 完全不用針線交剪啊!
熊仔成型之後, 自然要洗白白刷走d毛毛, 在職員姐姐指導下哲哲清潔得好專心啊
「向上刷, 向下刷...」哲哲越刷越起勁, 特別是刷到pat pat位的時候....XDDDD
「fluff me」之後, 就可以幫熊仔「dress me」啦~
「媽咪, 我想買對鞋比熊仔丫...」
場內d衫仔造型真係super cute!! 有各式各樣既去街衫, 運動衫, 工作服, 沙灘泳裝等等都有, 配飾鞋仔也一應俱全, 只要想得到的幾乎都有, 從服飾中看到build a bear真的很認真
就咁睇真係好似小朋友既boutique咁, 不過價錢就真係一點都不便宜, 普通一套衫都要SG26, 計埋鞋仔手袋其他服飾, 絕對可以買多隻熊仔了!
反正屋企d熊仔都無衫著, 我呢個孤寒媽媽緊係唔會買任何衫啦, 最低消費就算了. 來到最後一part「name me」就係幫熊仔做出世紙, 電腦輸入熊仔的名字和自己的名字, 就可以帶返屋企啦~
一手交錢一手交貨中, 熊仔可愛, 就連裝住熊仔個屋仔紙盒都好靚呀~
登登登櫈! 哲哲說熊仔直接叫camo bear(迷彩熊), 真係簡單又直接...
哲哲有又點會偏心細佬無呢? 輪到細佬逐一揀啦, 不過細佬好識貨, 一指就指住貴野!
唔通細佬自己都知自己似馬餾? 揀中隻馬餾...最後在有限度既自由之下, 細佬決定揀返隻可愛熊仔XDD
整容前...
細佬自己幫返隻熊仔塞棉花~
「stitch me」都似模似樣, 好神心咁喎~
唔夠高, 唯有哲哲哥哥幫你洗白白啦~
現在同大家介紹, bibi同camo正式進駐我地屋企啦, 係咪好有眼光好得意呢? yeah~~~
沒有留言:
張貼留言