這期的主題是「我喜歡洗澡」, 隨書附上巧虎的精美小毛巾, 細佬好喜歡呢~
一見到貼紙, 大小劉生兩眼發光, 才講幾頁就頻頻問「媽咪, 有得貼貼紙未?」「媽咪, 頭先細佬貼左一次啦, 今次輪到我啦」「細佬呀, 你貼錯左喇, 等我幫你貼返正喇」
(咁鐘意貼貼紙書, 平時買d貼紙書又唔見你地貼得咁起勁=.=)
講返今期既主題, 浴室既安全, 平常也有和細佬說, 不過巧虎將所有的可能性都畫出來, 可以逐一和細佬說明, 現在細佬一見到錯誤示威即刻交叉手say no
每天和細佬洗頭真係令人頭痛的一part, 不記得何時開始, 一洗頭細佬就會喊到殺豬咁款, 就算戴左洗頭浴帽都一樣照喊. 剛好今期巧虎有圖解洗頭沖涼的步驟, 只要細佬洗頭一哭, 我就提醒佢好似虎虎咁, 用手掩埋對眼, 好似虎虎咁乖乖唔洗喊. 雖然都仲有喊, 但近幾日叫喊少左...
禮貌寶寶呢個環節都好有趣, 配以書中的DVD播放, 某一天麻麻煮完晚飯時, 突然聽到哲哲說句:「麻麻, 真係辛苦晒你煮飯比我地食啦」, 難得見到哲哲主動感謝麻麻, 哲哲說因為睇完巧虎隻DVD所以跟住一齊講, 細佬見到哥哥講, 於是又跟住一齊講「(唔)該晒麻麻~」
每一期都會附送隻DVD, 廣東話配音, 起初聽落d歌歌怪怪雞雞無咩旋律, 但唔知點解聽多幾次哲哲竟然識跟住唱, 而細佬又學埋一齊啦啦啦咁口, 邊唱邊跳. 片中的巧虎配音聽落又幾可愛, 唔會吊高把聲講野令人頭痛毛管棟, 哈哈
老實講我不是太喜歡小朋友看碟看電視, 對眼睛, 腦部發展及專注力不好, 不過偶爾在家忙完想休息的時候, 播隻碟比大小劉生坐定定睇, 也是雙贏的結面, 大家也開心. DVD的內容和書中的內容是一樣的, 睇完全碟不過是二十分鐘左右, 短短的囊括了生活認知, 禮貌, 自理，國語童謠等環節, 是媽媽們忙碌時想抖氣的小救星!
(可點圖放大)
下期有小醫生套裝! 好想玩呀! 搵日等我靜靜雞拆出黎先睹為快XDDD
沒有留言:
張貼留言