jun 27
續上文, 哲哲想結識隔離班的女同學, 可是雙方都太怕羞, 遲遲未能互相認識. 昨天小息要留班房, 哲哲可惜道又少了一次機會. 這早哲爸見客, 可以遲一點出門, 齊齊送哲哲返學, 同哲哲加油壯壯膽~
一路上, 哲哲吃了幾口麵包又無胃口了. 返到學校, 放低書包交完功課就走過隔離班房
又要驚又要望...
見到啦! 個女仔真係好可愛, 見到佢放極個書包入櫃桶都塞唔入, 即刻叫哲哲入去幫手, 點知哲哲鬼咁細膽, 錯過左次英雄救美既機會tim
個女仔出黎時, 哲好搞笑咁機械人式say hi, 個女仔有比個淡淡微笑, 哲哲, 你應該上前齊齊邊行邊講嘛~
搞咩要咁鬼鼠呢? 老師同學看在眼內都覺得好好笑~
去到大肌肉活動區, 個女仔坐左鋼琴上彈琴, 聽到哲哲如痴如醉, 突然殺出一個男同學, 化身鋼琴王子彈琴, 即時好多女同學圍住, 好受歡迎. 呢一刻哲哲同另一邊既氣氛真係差天動地. 唉, 哲哲, 都叫左你平時學多d野, 一技旁身幾咁重要呢XDDD
為免哲哲失去自信心, 為娘既我上前同個女仔say hi, 示意個女仔過黎傾幾句計, 幸運地, 個女仔好乖巧, 真係過黎bor!
哲哲好生硬咁揮手say hi, 然後劈頭第一句就問人:「你鐘意做咩架」. 搞到個女仔笑一笑不知所措, 咁尷尬既氣氛下唯有扯開話題, 叫兩位小朋友互相介紹, 握下手同影張合照
呢張合照, 事後哲哲話興奮到爆炸, 仲話要曬出黎貼床頭日日對住tim
打開左個話題之後, 哲哲就同個女仔去活動區玩, 怕羞既哲哲一支箭咁標向前, 完全無理過後面個女仔去左邊, 幸好個女仔傻乎乎好乖咁跟住哲哲~
真係要唱返首:對面的女孩看過來, 看過來, 看過來...
終於等到女神回頭搭話啦~
放學後, 哲哲一輪嘴有好多分享:
「媽咪丫, 頭先小息我又同謝x桃傾計啦. 今日我地傾左好多計, 我仲有好多野想同佢傾, 想每日都早d返學, 每日都同佢傾計丫」
「哦, 好呀, 仲有八日就畢業放暑假啦, 咁你要好好把握機會, 傾多d計玩多d喇」
「乜原來仲有八日就唔洗返學喇, 咁快就畢業, 開始有d唔想咁快畢業tim」
(這翻話, 上星期初哲哲還說想快點畢業, 又說無感覺無所謂)
「咁唔緊要啦, 我地暑假都可以一齊玩. 媽咪, 我想暑假約謝x桃去游水, 踩單車, 不如你幫我約佢裝修完黎我屋企玩丫」
(哲哲每日都提住, 其實真是不忍心潑冷水, 我完全不認識謝x桃的媽媽, 也不知道她的電話, 現在每天上學都見才有機會一起玩, 他日畢業了, 又不是同一間小學, 更不是住同一區, 怎麼約? 這份友誼注定無疾而終了)
「就快畢業lu, 今日我同謝x桃話, 我地開心玩埋餘下既日子啦」
「媽咪丫, 我今日無同謝x桃講打機野丫, 因為我知道佢唔鐘意, 會覺得無聊, 我只係講d佢鐘意既野咋」
哲哲說著這些話, 我還未消化得切, 眼前的哲哲感覺就像一夜長大, 成了另一個人般. 不知道哲哲這個愛的故事會發展成怎麼樣呢?
沒有留言:
張貼留言