jul 26
期待已久, 「We嘩!充氣嘉年華」(下稱「We嘩」)又有得玩啦! 未到星期六哲哲已經we嘩咁嘈話要早d去, 出門的時候太陽很猛烈, 心裡暗讚好在「We嘩」在室內有冷氣, 不受天雨或猛烈陽光影響, good ar!
暴龍出沒!
「We嘩」這次選址在奧海城, 對上一次來奧海城是2006年, 和哲爸同朋友一起來看世界盃決賽. 這天來的時候完全不認得路, 地方太大, 花了點時間才找到, 盲中中的情況下竟然比我地遇上暴龍!
上星期tbb pearl正在播「侏羅紀公園」, 兩兄弟睇足全場不知幾興奮. 這天暴龍突襲同途人大玩捉伊因, 細佬很好奇, 不停指住叫:「龍龍, 龍龍好大丫」. 咁像真, 皆因呢套荷里活特效恐龍costume由全港最high tech既技術製成, 首度曝光, 引到好多大人小朋友排隊爭住影相. 不過哲哲明顯心不在焉, 因為...
離遠就望到充氣玩意就在眼前, 叫得掂停低肯影張相算好耐性架喇...
到場首先搵返pr姐姐幫我地核實身份, 手仔打個豬印, 可以開始試玩啦~
細佬, 你個表情真係令人難以理解XDDD
「We嘩!抓抓恐龍蛋」係首個集遊戲同獎品於一身既充氣活動, 小朋友要在充氣大風機入面抓實不同顏色的氣球, 既刺激又好玩, 考你反應同鍛鍊手眼協調, 兩兄弟不知玩到幾開心! 哲哲仲話入面好涼爽, 想不停咁玩唔想停~
以為細膽既細佬入到去, 咁大風會好驚喇, 點知佢又鬼咁興奮, 可能覺得d氣球不停飛來飛去, 七彩顏色咁繽紛而覺得好玩吧
亂槍掃射下影到呢張相, 哈哈, 哲哲你太over喇XDDDD
玩到中途撞到anson同eason, 於是齊齊向30尺超長巨龍滑梯進發!
「變色龍世界」由美國廠進口及生產, 用料安全, 造型精美像真度高, 爬上足足有三層樓咁高既梯級, 再由30尺長長既大舌頭高速sir落黎, 幻想到sir落黎個感覺應該好爽好極速, 別說哲哲, 大人見到都想玩埋一份
哲哲真係乖到無話可說. 話說我地encore左「變色龍世界」好多次, 細佬剛剛夠高可以玩, 不過爬得耐見倦, 哲哲好乖咁等埋同扶下細佬, 少有地唔洗人提識主動照顧, 真係令我好感動
事後細佬好感恩好祟拜既語氣回報:「哥哥攬住細佬, 好乖呀」「細佬好鐘意玩呀, sir滑梯快丫」
哲爸真醒目, 見哲哲同anson eason排隊玩超長滑梯, 佢就同細佬兵分兩路, 排隊玩「坐坐龍」
見人玩就剝花生, 到自己時先知驚. 可能隻恐龍太像真, 而且又有咆哮聲, 一開始細佬確係有d驚, 死都抓實哲爸唔肯上
終於夠膽上去坐, 睇到細佬個樣如坐針氈, 唔知好嬲定好笑
坐完恐龍, 幫細佬定一定驚先! 我地去左「恐龍遊樂園」跳彈床, 等細佬跳返個心返黎~
小朋友真係好精力, 咁樣彈咁樣跳足四分鐘都可以唔倦, 哲哲仲即席施展輕功, 小心d呀~~
玩左咁耐動力勞動既玩意, 係時間略略休息下, 玩返d靜態既野先 (其實係比我同哲爸坐下休息下對腳...)
「咩話? 話流沙? 整到d衫污糟喎, 有無帶定多套衫黎換? 怕唔怕架...?」哲爸問
「We嘩!造型流沙」係曾於香港玩具展贏盡注目的環保造型流沙, 集無致敏源(不含gluten), 抗水, 易清洗, 不污染衣物. 這次新版的物料更增加抗敏感及抗菌成份, 加上流沙能輕易造出不同造型效果, 拿捏時又有綿滑既手感, 不易散開, 相比起傳統既泥膠, 哲哲堆砌得更得心應手
就算玩到個身沾滿流沙, 拍兩拍, 咁就掃得走, 而且無臭味膠味, 小朋友玩得安心d, 盡情享受堆沙既樂趣. 今次仲有新出既八爪魚巨型沙池, 下次有機會要試試!
「媽咪, 請你食雪糕~」
合家歡既遊戲, 又點少得「智勇神槍手」?
考你眼界, 仲要睇下隻手夠唔夠定, 估唔到哲哲既成績好過哲爸, 拎到小獎品tempo紙巾一包同幾包鈣片糖仔呢~
玩到差唔多尾聲lu, 即刻走去We嘩!藝術廊睇下有咩玩先
時間不夠, 所以工作人員給了哲哲一套立體砌圖回家砌. 哲哲二話不說揀了這款, 因為喜歡樹屋, 想回家同我一起砌
由日光日白玩到入黑收檔, 次次都係人出錢我出命, 連玩四個半鐘, 樣樣都encore了幾次, 哲哲話叉足電夠晒皮, 走的時候才發現彼此的腳好倦啊...
哲哲真係好掛住個立體砌圖, 第二早一起身即刻話要砌砌圖, 同細佬夾手夾腳, 一個負責拆, 另一個負責接合, 話咁快就砌成. 成品好靚, 數字對數字就可以自行完成, 無難度~
今次又要多謝pr姐姐shirely請我地黎試玩, 「We嘩!充氣嘉年華」反應踴躍, 建議小朋友們最好平日去玩, 少d人排, 密d黎爽d手可以玩多幾轉開心d
最後提提大家, 記得幫小朋友帶襪! 充氣嘉年華既玩意要著襪先可以入去玩, 若然真係無襪既話, 可以去大會即場購買, 無聽錯應該係每對十蚊雞, 大家要記住啊~
沒有留言:
張貼留言