jul 5
暑假七八月真係一個出血既季節, 家裡先前有個萬寧換返黎既staub 24 and 26cm圓煲都未開光(因為搬屋以為自己唔會用到, 所以pack好左搬入倉), 竟然走去敗多個細圓煲同上火碟! 都怪fb的煮食group分享staub 9/7過後會加價, 好奇下見到有人分享隻好靚既灰碟好想要, 於是專登走去aeon一轉望真d
谷友分享, aeon counter抽佣最少, 所以優惠比其他百貨公司平, 唔急既話, 其實等一年兩次sogo thankyou week又或者工展會先係至抵價
去到aeon counter睇到咁多特價品真係流晒口水, 最想買隻灰碟竟然無現貨, 要訂四至六個月! 睇睇下, 見到20cm圓煲做特價$1099(如果感謝日有額外95折), 細細個岩晒依家煮三人份量, 難得老闆支持, 最愛既灰色, 黑色同茄子色當中, 最後決定買茄子色!
屋企又多一個staub成員啦~~
盒邊有寫明20cm round cocotte eggplant, 唔會搞亂
煲蓋有寫made in france, 20cm
還有一堆開光說明書及保養卡, 內裡有一本食譜
職員隨手拿起一個, 看了兩看沒有什麼不妥, 覺得很完美呢~
茄子色真係超靚, 一開始喜歡上staub就是看上這隻色了
好心急, 依著說明書做了簡單的清潔工序, 第一道用staub做的菜式就是蕃茄紅蘿蔔炆牛肋條!
凍煲凍油, 開中火將整個煲子加熱致有白煙出, 需時三分鐘左右. 出白煙就放薑片, 爆香後再放切好的牛肋條, 幾面煎香
再將所有蕃茄同紅蘿蔔放入煲中略炒, 滾起轉細火上蓋煮三十分鐘再熄火用餘溫焗三十分鐘
唔洗落調味, 亦無落茄膏, 全煲原汁原味, 短短三十分鐘時間就可以炆淋晒d牛肋條又無痴底, 個汁用黎送飯真係好開胃, 難怪人人用過都會迷上staub!
我既敗物, 除左呢個20cm圓煲, 仲訂埋隻23cm oval oven serving dish. 呢隻上火碟真係超靚, 可以蒸, 煎, 焗, 仲可以用黎做哲哲最喜歡既pepper lunch都得!
黑色同灰色, 毫不猶豫就揀左灰色, 因為漸變灰既staub真係好型! $999呢個價錢真係超值, 如果一早身痕可以趕得及感謝日敗入就更好喇~
呢個20cm round serving dish $999本來都係心水, 看過真身實在太細了, 唯有放棄
敗家敗到底! 咁型既煲, 幫佢加個得意動物既knob $199真係可愛到極. 雞是我揀的, 哲爸揀左蝸牛, 其實魚都幾得意丫...
紅心煲丫~~ 去aeon果日見唔到有20cm 紅心煲 $1299做promotion, 如果比我見到, 我會買紅心而唔會買20cm圓煲囉...
炆, 煎, 焗都有了, 餘下還想要個蒸. 無水蒸魚無水煮菜好想試, 最近睇中le creuset 26/30cm既buffet, 對應lc buffet有staub既蜂巢鍋, 不過聽聞非常痴底, 蒸的還好, 用來爆炒一定洗餐勁
coastal blue, nutmeg, flame同soleil都好靚, 等我用多d staub煮多幾味好菜, 多d 理由敗埋buffet返黎先, 呵呵呵
p.s. 喜歡staub的朋友, 屯門aeon特價活動延長至16/7, 要買襯手喇~~
沒有留言:
張貼留言