哲爸曾說過: 邊有細路會唔鐘意遙控車架?
事實如此, 每次經過樓下小公園, 總會見到小男孩拿著遙控車玩, 哲哲見到總是很羨慕追著跑. 仲夏的時候, 我們知道哲哲喜歡遙控車, 於是和哲哲協議, 如果能夠成功戒片片的話, 爸爸就會送架遙控車作獎勵
哲哲固然很想要, 也許時機未成熟, 戒片一事至今對哲哲來說依然未有十足把握, 進展反反覆覆之下哲哲都知道自己賴尿就沒有遙控車
兩星期前到商場閒逛, 本來像平時和哲哲看下摸下玩具就走, 豈料有人經過「男孩子天地」, 花多眼亂又抵受不住誘惑, 自動說「不如買架遙控車比哲哲玩囉」, 理由是我們一向孤寒, 很少買玩具給哲哲喎 (我覺得係某人覺得架車型, 又想玩, 所以拉個仔落水, 美其名送比哲哲其實係自己想玩)
起初哲哲真的不太明白遙控車, 只懂操作向前而不知道推後架車一樣可以後退, 有時又忍不住當巴士玩用手推來推去. 不過「玩」對小孩子來說是不需要學習的, 很快哲哲就掌握了
往後幾天一起床, 一放學就第一時間玩遙控車, 見哲哲這樣喜歡於是放學後見天未暗就到樓下的公園玩車, 公園地方比屋企大, 哲哲玩上來很高興, 還惹來許多小男孩羨慕的目光
「媽咪, 我想同架遙控車影相丫」
好幾次因為架遙控車而發生了小插曲/小趣事:
哲哲玩車途中, 有位哥哥很好奇, 二話不說一手搶了哲哲的遙控車叫哲哲去斜路果邊玩, 哲哲不知內情, 一見哥哥搶了就怨豬頭向我說: 「架車係我架, 佢搶左我架車呀」後來哥哥還回遙控車, 我向哲哲解釋哥哥一定是太喜歡哲哲的車好靚, 一時忘形才會這樣, 豈料哲哲話: 「唔靚呀, 架車唔靚呀, 佢唔準搶呀」
(傻到以為架車唔靚就唔會搶咩...)
****************************************************
有次哲哲正在玩車時, 剛好有位短頭髮的女士走過, 我叫哲哲要小心不要將遙控車撞到姨姨, 哲哲望了女士背影一眼就說: 「果個唔係姨姨, 係叔叔丫」當我重申果一位是姨姨來的, 哲哲堅持大大聲說: 「都話果個唔係姨姨, 係叔叔囉!」那位女士即回頭向哲哲微笑, 而我則非常不好意思...
(哲哲, 誰教你超短髮中性裝就是叔叔呀?)
****************************************************
在空地玩厭, 想轉到滑梯附近玩, 我叫哲哲不好因為滑梯很多小朋友上上落落, 會不留意腳下有遙控車, 很危險. 不過哲哲想了個方法, 雙手高舉遙控車邊跑向小朋友堆說: 「小心睇住我架林寶堅尼, 唔好踩到呀~~」
(哲哲, 有誰玩上來會小心車速那麼急的遙控車呀, 想小心也小心不來啦!)
沒有留言:
張貼留言